गायक तथा ब्यवसायी जित बहादुरको रामेछाप उमाकुण्ड गाउँपालिकाको अध्यक्षमा उम्मेदवारी

Posted on: April 29, 2022
आर्टिष्ट खबर/ बैशाख, काठमाडौं । 

यतिबेला स्थानिय तहको निर्वाचनले माहोल तातेको छ । ठाउँ ठाउँमा बिभिन्न राजनितिक पार्टीहरु प्रचारप्रसारमा लागिरहेका छन् । यसैबिच नेपाली लोक तथा दोहोरी गीत क्षेत्रका गायक जित बहादुर कटुवाललाई पनि यतिबेला चुनावको माहोलले छोएको छ । बिशेष गरी काठ क्षेत्रमा आफ्नो छुट्टै पहिचान बनाउनु भएका गायक प्रकाश कटुवालको दाई समेत रहनु भएका जित बहादुर आसन्न निर्वाचनमा गृह जिल्ला रामेछापको उमाकुण्ड गाउँपालिकाको अध्यक्षमा उम्मेदवारी दिँदै हुनुहुन्छ । 

उहाँले नेपाली कांग्रेसको तर्फबाट गाउँपालिकाको अध्यक्षमा उम्मेदवारी दिएर जित हासिल गर्ने पक्षमा हुनुहुन्छ । उहाँले आफूले भारी मत ल्याएर गाउँपालिकाको अध्यक्ष बन्ने र आगामी दिनमा गाउँपालिकाबासीको सेवामै समर्पित हुने बताउनुभएको छ । 


जित बहादुर आँफैमा गायकसँगै एक समाजसेवी पनि हुनुहुन्छ । उहाँले लामो समयदेखी गृह जिल्लामा बिपदको समयमा होस् या अन्य अप्ठ्यारो समयमा बिभिन्न दुखी गरिबलाई सहयोग गर्दै आउनुभएको छ । साथै उहाँ एक सफल ब्यावसायीको रुपमा पनि परिचित हुनुहुन्छ । उहाँ हाल कान्तिपुर मल ब्यवसायीक संघ, काठमाडौंको अध्यक्ष पदमा रहेर पनि काम गर्दै आउनुभएको छ । 

स्थानिय तहको निर्वाचन यहि बैशाख ३० गते शुक्रबारका दिन सम्पन्न हुँदै छ ।




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]