कलाकार भण्डारी वडा सदस्यमा विजयी

Posted on: May 16, 2022
आर्टिष्ट खबर/ जेठ, काठमाडौं ।

देशभर स्थानिय तहको निर्वाचनको मतपरिणाम आइरहदा वडा सदस्यका उम्मेदवार कलाकार किशोर भण्डारी बिजयी हुनुभएको छ ।

दर्शकमाझ ‘डिठ्ठा’साब’ नामले लोकप्रिय हास्य कलाकार तथा निर्देशक भण्डारीले नेपाली काँग्रेसका तर्फबाट तारकेश्वर नगरपालिका–२ मा वडा सदस्यका लागि उम्मेदवारी दिनु भएको िथयो । 

भण्डारीले अत्यधिक बहुमतका साथ विजयी भएको बताउनुभएको छ । भण्डारीका अनुसार उहाको वडामा खसेको २५ सय मतमध्ये उहाले ११ सय भन्दा बढी मत पाउनु भएको थियो ।  

विभिन्न टेलिश्रृंखला, नाटक, फिल्म तथा विज्ञापनहरुमा अभिनय गर्नु भएका कलाकार भण्डारीलाई कान्तिपुर टेलिभिजनबाट प्रसारित हास्य श्रृंखला ‘डिठ्ठा साब’ मार्फत दर्शकमाझ लोकप्रिय भएका कलाकार हुनुहुन्छ । भण्डारी पछिल्लो समय ‘हर्के हवल्दार’मा अभिनय गरिरहनु भएको छ । भण्डारीले नेपाली चलचित्र चंगा निर्देशन गरिसक्नुभएको छ ।




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]