लागुऔषध मुद्दामा भारती र हर्षलाई जमानत

Posted on: November 24, 2020
मुम्बई (एजेन्सी) । 

मुम्बई अदालतले सोमबार भारती र हर्षको जमानत याचिकाको सुनुवाइ गरी जमानत स्वीकारेको छ । यसअघि उनीहरुलाई १४ दिने न्यायिक हिरासतमा पठाइएको थियो ।

कानुनबमोजिम हजार ग्राम गाँजालाई थोरै परिमाण मानिन्छ, जसको स्वामित्वमा कसैलाई ६ महिनासम्म जेल र १० हजार जरिवाना लाग्न सक्छ । एनसीबीले २१ नोभेम्बरमा हास्य कलाकार भारती सिंह र उनका पति हर्ष लिम्बाचियाको घर र कार्यालयमा छापा मारेको थियो । उनीहरुको घर र कार्यालयबाट ८६.५ ग्राम गाँजा फेला पारेको थियो ।

सोधपुछमा भारती दम्पतीले गाँजा सेवन गर्ने गरेको स्वीकार गर्नु भएको छ । उहाँहरुलाई शनिबार एनडीपीएस ऐनअन्तर्गत पक्राउ गरेको थियो । उनीहरुलाई आइतबार अदालतमा पेस गर्दा मेडिकल जाँचपछि १४ दिने न्यायिक हिरासतमा पठाइएको थियो । तर जमानत पाएसँगै उहाँहरु रिहा हुनु भएको छ ।  

बलिउडमा लागुऔषध मुद्दाबारे अनुसन्धान गरिरहेको एनसीबीले अहिलेसम्म थुप्रै कलाकार, निर्माता लगायतसँग सोधपुछ र उहाँहरुको घर तथा कार्यालयमा छापा मारिसकेको छ ।




Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]