'पुष्पा'लाई तीनसातामा ३ सय करोड

Posted on: January 05, 2022
मुम्बई (एजेन्सी) 

तेलुगू भाषामा निर्माण गरी हिन्दीमा डब गरिएको अल्लु अर्जुनको ‘पुष्पाः द राइज’ले उत्साहजनक ब्यापार गरिरहेको छ । भारत लगायत संसारभरि हालसम्म ३ सय करोड भारू कमाएर बक्स अफिसमा नयाँ तरंग ल्याएको छ ।

७ दिनमै २ सय करोड आकडा पार गरेको पुष्पाले तेस्रो सातामै ३ सय करोड कारोबार गरेर रेकर्ड राखेको छ । यसअघि कोरोना महामारी र लकडाउनका कारण शिथिल हुन पुगेको बलिउड बक्स अफिसलाई अक्षय कुमार अभिनीत ‘सूर्यवंशी’ ले धमाकेदार ओपनिङ दिएको थियो । नोभेम्बर ५ मा रिलिज यो चिलचित्रले ४५ दिनमै झन्डै तीन सय करोड भारूको व्यापार गरिसकेको थियो । शूर्यबंशीको रेकर्डलाई पुष्पाले २१ दिनमै तोडेको छ ।

बलिउडका ‘हिट मसिन’ रोहित सेट्टीको सूर्यवंशीले डेढ महिनामा जति कारोबार ग¥यो, त्यसको रेकर्ड सन् २०२१ मा रिलिज हुने कुनै चलचित्रले सायदै तोड्ला भन्ने बलिउड बक्स अफिसका विश्लेषकहरूले भनाई थियो । विश्लेषकहरुको अनुमान गलत साबित गर्दै तीव्र रफ्तारका साथ अगाडि बढेको पुष्पाले अझै कमाउने आशा गरिएको छ ।

तेलुगू चलचित्रका सुपरस्टार अल्लु अर्जुनको यो चलचित्रको ओपनिङ नै धमाकेदार भयो । रिलिजकै दिन यसले ४५ करोड भारू कारोबार ग¥यो । यो रकम कुनै सुपरहिट हिन्दी चलचित्रले गर्ने व्यापारको दाँजोमा कम होइन ।




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]