‘हुसनु पचाम’ मा कैटरिनाको दमदार आइटम डान्स (भिडियो)

Posted on: December 13, 2018

मुम्बई (एजेन्सी) ।

बलिउड चलचित्र ‘जिरो’ अर्को गीत सार्वजनिक भएको छ । ‘हुसनु पचाम’ बोलको आइटम गीत सार्वजनिक भएको हो । राजा कुमारी र भुमी त्रिवेदीको स्वर रहेको गीतमा अजय अटुलले संगीत भरेका हुन् । गीतमा इशाद कमिलको शब्द रहेको छ । आइटम गीतको भिडियोमा बोल्ड कैटरिनाले दमदार डान्स गरेकी छिन् ।

रेड चिल्ली इन्टरटेनमेन्टको ब्यानरमा निर्माण भएको चलचित्रमा शाहरुख खान कैटरिनाको कैफ र अनुष्का शर्माको मुख्य भूमिका रहेको छ भने यिनका अलवा श्रीदेवी, आलिया भट्ट ,करिश्मा कपूर, सलमान खान, काजोल, माधुरी दीक्षित अन्य कलाकारहरु कैमियो रोलमा देखिने छन् ।

आनन्द एल रायले निर्देशन गरेको चलचित्रमा बलिउडका किंग खान अर्थात शाहरुख खान कैटरिनाको फ्यानको रुपमा देखिएका छन् । उक्त गीतमा शाहरुख आफ्नो विवाह भन्दा कट्रिनालाई हेर्न बढी उत्सुक देखिएका छन् । बलिउडमा शाहरुख खान होचो बनेर खेलेको चलचित्र ‘जिरो’को चर्चा निकै छ । चलचित्र २१ डिसेम्बरमा रिलिज हुनेछ ।