सलमानले ज्याकलीन रोजेपछि 'किक २' बाट बाहिरिन् मानुषी

Posted on: July 17, 2019
मुम्बई,एजेन्सी ।

बलिउड सुपरस्टार सलमान खानको अभिनय रहने चलचित्र 'किक २' बाट सन् २०१७ की मिस वर्ल्ड मानुषी छिल्लरले चलचित्रमा डेब्यू गर्ने खबर सार्वजनिक भएको थियो । भारतीय मिडियाका अनुसार हाल भने छिल्लरको हातबाट 'किक २' फुत्किसकेको छ। केही समयअघि चलचित्रका निर्देशक साजिद नाडियाडवालाले मानुषीलाई 'किक २'का लागि अफर गरेका थिए । मानुषीले पनि चलचित्रमा अभिनय गर्ने हिसाबले हातअघि बढाएकी थिइन् । तर अहिले भने चलचित्रका लागि अभिनेत्री ज्याकलीन फर्नान्डिस पक्का भएकी छिन् । सन् २०१४ मा प्रर्दशनमा आएको यस चलचित्रको पहिलो पार्ट 'किक'मा पनि उनले सलमानसँग लिड रोलमा रहि रोमान्स गरेकी थिइन् । 


श्रोतका अनुसार सलमानलेनै ज्याकलीनलाई चलचित्रका लागि छानेका हुन् । ज्याकलीनले 'किक'मा आफूले काम गरेको र जसरी भएपनि यसको सिक्वेलमा पनि आफैँ काम गर्ने बताउँदै सलमानद्दारा निर्देशक नाडियाडवालासँग सिफारिस दिन लगाएकी हुन्। सलमानलेनै  निर्देशकलाई ज्याकलीनलाई चलचित्रमा राख्न मनाएका हुन् । यसो त नाडियाडवालाले फेरी सिक्वेलमा ज्याकलीनलाई राख्न चाहेका थिएनन्। सलमानले ज्याकलीन रोजेपछि निर्देशक बाँध्य भएको श्रोतको भनाइ छ । 'किक २' पनि 'किक'कै जोडी दोहोरिने हुदाँ दर्शकले चलचित्रमा खासै फरक महसुस नगर्ने निर्देशकको भनाई छ। नाम एउटै अनि कलाकार पनि एउटै भएपछि निर्देशक अलि खुनासिएका छन्। 




Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]