परिणितीले अजयको फिल्म नगर्ने

Posted on: November 14, 2019
मुम्बई (एजेन्सी) ।

बलिउड नायिका परिणिती चोपडाले नायक अजय देवगणको ‘भिजुः दि प्राइड अफ इन्डिया’ चलचित्रमा काम नगर्ने भएकी छिन् । अजयले निर्माण गर्ने यो चलचित्रका लागी परिणिती पक्का थिइन् । तर, समय नमिलेपछि परिणितीले यो चलचित्रबाट हात झिकेको बताएकी छिन् । 

परिणिती अहिले साइना नेहावालको बायोपिक चलचित्रमा काम गर्ने तयारी गरिरहेकी छिन् । यो चलचित्रको लागि परिणितीले धेरै समयदेखि मिहिनेत गरिरहेकी छिन् । व्याडमिन्टन खेलाडी साइनाको बायोपिकमा काम गर्नको लागि परणितिले लामो समयदेखि यो खेल पनि सिकिरहेकी छिन् । यो चलचित्रपश्चात परिणितीले ‘दि गर्ल अन दि ट्रेन’को रिमेक चलचित्रमा काम गर्दैछिन् । यो चलचित्रको लागि पनि परिणिति पक्का भैसकेकी थिइन् । यो चलचित्रसँग अजयको चलचित्रको छायांकन समय जुध्ने भएपछि परणितीले चलचित्रबाट हात झिकेकी हुन् ।

अजयको चलचित्र भाजुमा परिणितीको भूमिका निकै दमदार भएको निर्माणपक्षले बताइरहेको छ । चलचित्रमा संजय दत्त, अजय देवगण, सोनाक्षी सिंहा लगायतका कलाकारले अभिनय गर्दैछन् ।




Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]