‘चिसो मान्छे’को ट्रेलर सार्वजनिक, कार्यक्रममा बालेनको चर्चा

Posted on: May 23, 2022
आर्टिष्ट खबर/ जेठ, काठमाडौं । 

स्वस्तिमा खड्का र अर्पण थापाको मुख्य भूमिका रहेको नयाँ नेपाली चलचित्र  ‘चिसो मान्छे’को ट्रेलर सार्वजनिक गरिएको छ । दीपेन्द्र के. खनालको निर्देशनमा तयार भएको या ेचलचित्रको बिषयवस्तुले नै यसअघि नै चर्चा पाइसकेको थियो । त्यसमाथि नेपाली चलचित्र क्षेत्रमा निर्देशक खनालले सफल निर्देशकको ट्याग पाइसक्नुभएको छ । त्यसैले पनि  ‘चिसो मान्छे’लाई बिशेष मानिएको छ ।

सार्वजनिक चलचित्रको ट्रेलरमा कर्णालीको जीवनसंघर्ष, रहनसहन, श्रीमान् वैदेशिक रोजगारीमा गएपछि भोग्नु परेको पीडा, उनको संघीय राजधानी काठमाडौंसम्मको यात्रा देखाइएको छ । ट्रेलरमा स्वस्तिमा र अर्पणसँगै कलाकार देशभक्त खनाललाई देख्न सकिन्छ ।  

डीएस डिजिटल प्रालिको ब्यानरमा शर्मिला पाण्डेले निर्माण गर्नुभएको यो चलचित्रम निर्देशक खनालकै लेखन र छायांकन छ ।  दीर्घ खड्काले सम्पादन गरेको चलचित्रमा आशान्त शर्मा, प्रभाकर न्यौपाने, रामबाबु रेग्मी, झकेन बीसी, सञ्जोग रसाइली लगायतका कलाकारले पनि अभिनय गरेका छन् ।

कार्यक्रममा बालेनको चर्चा

स्थानिय तहको निर्वाचन पछि काठमाडौं महानगरपालिकाको मतगणना भइरहेको छ । मेयरका प्रत्यासी बालेन्द्र शाह (बालेन)ले अन्य दुई उम्मेदवारलाई पछिपार्दै लामो अन्तरको अग्रता लिइरहनु भएको छ । दिनहुँ जसो मतगणाना स्थलमा भेटिने बालेन आज चिसो मान्छेको ट्रेलर सार्वजनि कार्यक्रममा भेटिदा बालेनको चर्चा भयो । 

कार्यक्रममा चलचित्रको चर्चासँगै बालेनको पनि निकै चर्चा भयो । हुनेवाला मेयर भन्दै सबैले बधाई दिइरहेका थिए । नायिका स्व्स्तिमा खड्काको चलचित्र हेरिरहेको र आफूलाई निकै मनपर्ने नायिका भएको भन्दै बालेनले स्वस्तिमा खड्काको प्रसंशा गर्नुभयो । यस्तै नायक अर्पण थापाले पनि बालेनको प्रसंशा गर्नुभयो ।  

Video Report:




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]