‘जिन्दगी नै भन्दिनँ’ भन्दै रोमान्टिक बने अनमोल र सुहाना

Posted on: March 16, 2019
आर्टिष्ट खबर/ चैत, काठमाडौं । 

चैत २९ गतेबाट प्रदर्शनमा आउने चलचित्र ‘ए मेरो हजुर ३’को पहिलो रोमान्टिक गीत सार्वजनिक भएको छ। ‘जिन्दगी नै भन्दिनँ’ बोलको सार्वजनिक गीतको भिडियोमा अनमोल र सुहानालाई रोमान्टिक मुडमा देख्न सकिन्छ । 


एक नारायण भण्डारीको शब्द रचनालाई गायक सुगम पोखरेल र गायिका प्रविशा अधिकारीले गाएका छन्।आशिष अविरलको संगीत समावेश गीतको भिडियो नेपाल र अमेरिकाका विभिन्न रमणीय स्थानहरुमा खिचिएको छ । झरना थापा निर्देशित यस चलचित्र उनकी छोरी सुहानाको डेब्यू चलचित्र हो । सुनिल कुमार थापाले निर्माण गरेको चलचित्रमा अनमोल र सुहानासँगै अर्पण थापा, सलोन बस्नते, रबिन्द्र झालगायतका कलाकारहरुको पनि अभिनय रहेको छ । 


सुमन पौडेल र झरना थापाको कथा रहेको चलचित्रमा रामजी लामिछाने, कविराज गहतराज, प्रविन सिंह र राहुल शाहको कोरियोग्राफी रहेको छ। हिमाल केसीको द्वन्द्व निर्देशन रहेको चलचित्र दिर्घ खड्काले सम्पादन गरेका हुन भने सञ्जय लामाले खिचेका हुन् । 

song:




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]