टंक र मेलिनाको 'कसरी कसरी–३' युट्युव ट्रेन्डिंगको उत्कृष्ट ५ भित्र

Posted on: September 26, 2020

असोज, काठमाडौं ।

गायक टंक बुढाथोकी र गायिका मेलिना राईको स्वरमा रहेको नयाँ गीत कसरी कसरी ३ नेपाली युट्युव ट्रेन्डिंगको उत्कृष्ट पाँचमा पर्न सफल भएको छ । सुपरहिट सिरिज गीत कसरी कसरीको तेस्रो संस्करणको रुपमा सार्वजनिक गरिएको यस गीतमा पनि लय, शब्द, सगीत टंककै रहेको छ । 

हिजो (बिहीबार) नेपाली युट्युवको पाँचौं ट्रेन्डिंगमा आइपुगेको यो गीत आज भने छैठौं स्थानमा छ । गीतको भिडियो कबिराज गहतराजको निर्देशनमा बनेको हो । भिडियोमा बाल गायक ए.आर बुढाथोकी संगै, बाल कलाकार आयुश गौतम, अन्शु गुरागाईको नृत्य देख्न सकिन्छ । सुदिप बरालले खिचेको भिडियोलाई अर्जुन जिसीले सम्पादन गरेका हुन् । 

कसरी कसरीको हरेक सिरिजलाई दर्शकले उत्तिकै माया गरिदिएकोमा टंकले धन्यवाद ब्यक्त गरेका छन् । टंकको यस गीतका अघिल्ला सिरिज करोडौं दर्शकले हेरेका छन् ।




Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]