बलिउड अभिनेत्री सोनाली बेन्द्रे क्यान्सर ग्रसित

Posted on: August 07, 2018
मुम्बई , एजेन्सी ।

बलिउड अभिनेत्री सोनाली बेन्द्रे हाल न्यूयोर्कमा हाई ग्रेड क्यान्सरको उपचारमा छिन् । सोनालीले आफ्नो इन्स्टाग्राम मार्फत एक पोस्ट सेयर गर्दै आफूलाई क्यान्सर भएको जानकारी दिएकी थिइन् । पछिल्लो दिन सोनालीले टाउको मुडुलो भएको तस्बिर सेयर गरेकी छन् । उक्त तस्बिर देखेर सबै बलिउड कलाकारहरु चकित छन् । 

सोनालीसँगै तस्बिरमा सुजैन खान र शाहरुखसँग स्वदेश चलचित्रमा देखिएकी गायत्री पनि देखिएकी छन् । मित्रता दिवसको खास अवसरमा सेयर गरिएको यो तस्बिरमा सोनालीमाथि क्यान्सरको उपचारको असर प्रष्ट देख्न सकिन्छ । यस तस्बिरलाई ऋतिक रोशनले खिचेका हुन् ।

बलिउडका अन्य कलाकार सोनालीको स्वास्थ्य लाभको कामना गरिरहेका छन् । 






Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]