कलेजका बिद्यार्थीसँग आशिरमानका ब्रेकअपका कुरा

Posted on: February 11, 2019
आर्टिष्ट खबर, माघ, काठमाडौं । 

आउँदो फागुन १७ गतेबाट प्रदर्शनमा आउने तयारीमा रहेको चलचित्र ‘ब्रेकअप’ टिमले प्रमोशन तिब्र पारेको छ । यसैबिच आइतबार राजधानीको पुल्चोक इन्जिनियरिङ कलेजमा चलचित्र टिमले ब्रेकअपबारे जानकारी गरायो । कलेजका बिद्यार्थी माझ कलाकार आशिरमान देशराज जोशी, रेमन दास श्रेष्ठ, इच्छा कार्की र निर्देशक हेमराज बिसी पुगेका थिए ।


‘तपाईहरुको ब्रेकअप भएको छ कि नाई ?’ आशिरमान र रेमन दासले स्टेजबाट यस्तो प्रश्नगर्दा बिद्यार्थीहरुले आफ्नो प्रेमको ब्रेकअप सम्झिँदै हात उठाए तर कलाकारहरुले प्रश्नलाई घुमाउँदै चलचित्र ब्रेकअपको बारेमा जानकारी दिइरहेका थिए । ‘तपाईहरुको हामीसँग प्याचअप हुने फागुन १७ मा हो त्यसैले हलसम्म पुग्नुहोला ।’ रेमनले भने । निर्देशक हेमराजले चलचित्रको कथाको बिषयमा जानकारी गराए । उनले बिशेषगरी बिद्यार्थीहरुले हेर्नुपर्ने चलचित्र भएको जानकारी दिए ।


नेपाल र अष्ट्रेलियामा छायाँकन गरिएको यो चलचित्र प्रेमकथामा आधारी छ । चलचित्रमा आशिरमान देशराज जोशी, शिल्पा मास्के, रेमनदास श्रेष्ठ, इच्छा कार्की, सरोज खनाल लगायतका कलाकारहरुको अभिनय छ । चलचित्र रुपक थापा, दीपक खतिवडा, रेनु राना र निर्देशक बिसीले संयुक्त रुपमा निर्माण गरेका हुन् । चलचित्रको सम्पादनसुरेन्द्र पौडेलले गरेका छन् । 


video: 




Artist Khabar Media Pvt. Ltd.
Gongabu, Kathmandu
+977-9849953656, 9803082553,01-4387307
[email protected]