२ बैशाख २०८१, आईतवार १०:५१ 
बैशाख, काठमाडौं । नयाँ वर्ष २०८१ को अवसरमा मोडल अस्मिता पुरीले हट फोटो सुट गरेकी छिन् । बिगत सात वर्षदेखी नेपाली म्युजीक भिडिओको मोडलिङमा ब्यस्त अस्मिताले अहिलेसम्म झण्डै ५० भिडिओमा काम गरिसकेकी छिन् । उनले मोडलिङ गरेको भिडिओ मध्ये ‘मुलको पानी’, ‘टिकटक चलाउने’, ‘खोला’, ‘लाम माया छपक्कै’ लगायतका गीत लोकप्रिय छन् ।
अहिले फोटो सुट किन भन्ने प्रश्नमा मोडल अस्मिता भन्छिन्, ‘मोडलिङ पेशामा भइसकेपछि दर्शकमाझ आइरहनु पर्ने हुन्छ । त्यसो त मैले यो फोटो सुटलाई हट भन्न रुचाउँदिन, बिभिन्न फरक फोटो सुट गरेकी छु । सायद हरेक मोडलका लागी यत्तिको फोटो सुट चाहिन्छ । यत्तिको ग्ल्यामर सुट नेपाली मोडलिङका लागी नौलो हुन्छ जस्तो लाग्दैन ।’
कतिपय नायिकाहरु भाइरल हुनका लागी बिभिन्न समयमा हट फोटो सुट गर्ने गर्छन् कतै तपाई पनि भाइरलकै लागी त हैन भन्ने ज्ञिजाशामा अस्मिता थप्छिन्, ‘भाइरल बन्नका लागी यसरी फोटो सुट गर्नुपर्छ जस्तो लाग्दैन । मैले यो भन्दा अघि गरेका मोडलिङ र फोटो सुटबाट पनि थाहा पाउन सक्नुहुन्छ म भाइरलको पछि लाग्ने गर्दिन । क्षणिक भन्दा पनि दिर्घकालिन काम गर्नुपर्छ भन्ने मान्यता राख्छु ।’
अस्मिताले नयाँ वर्षको अवसरमा कालो र सातो ड्रेसमा ग्ल्यामरसँगै ब्राइडल फोटो सुट गरेकी छिन् । उनका तस्बिर ‘मेरो क्लिक’ स्टुडियोका सचिन मर्हजनले खिचेका हुन् ।
