६ माघ २०८१, आईतवार १६:४० 
काठमाडौैं । नयाँ गीत बाज सार्वजनिक गरिएको छ । जसमा राजु अर्याल र अन्नु चौधरीको स्वर रहेको छ । गीतमा बसन्त बिश्वकर्माको शब्द र कृष्ण बाजुरालीको संगीत रहेको छ । अडियोलाई श्यामश्वेत रसाइलीले मिक्सिङ गरेका हुन् ।
गीतको भिडिओमा कमल भक्त र बर्षा भण्डाराको प्रेमलाई देखाइएको छ । गाउँको परिवेशमा हुर्किएका एक युवा आफ्नो प्रेमलाई छाडेर परदेशमा जानुपर्दाको पिडा भिडिओमा देखाइएको छ । भिडिओमा दिलिप सिंह, प्रज्जवल अधिकारी र प्रेम भण्डाराको पनि अभिनय देख्न सकिन्छ । भिडिओमा कथा र निर्देशन पनि कमल भक्तकै रहेको छ ।
कमल नेपाली गीतसंगीतको क्षेत्रमा पाँचबर्ष अघिदेखी निरन्तर सक्रिए छन् । उनले चलचित्रमा साइड डान्सरको रुपमा काम गर्दै, म्युजिक भिडिओको निर्देशन गर्न थालेका हुन् । उनले अहिलेसम्म साइड डान्सरको रुपमा झण्डै तीनसय बढी भिडिओमा काम गरिसकेका छन् भने आफैले अभिनय र निर्देशन गरेको पनि दर्जनौं भइसकेको बताउँछन् ।
काम गर्ने क्रममा अनुभव लिनु सबैभन्दा ठुलो कुरा रहेछ । सुरुवातका दिनहरुमा अनुभव राम्रो भयो, अग्रज ब्यक्तिहरुसँग काम गर्ने अवसर पाएँ । कोरियोग्राफर रामजी लामिछाने मेरो गुरु हुनुहुन्छ । उहाँको बाटो पछ्याउँदै आज यो स्थानमा आएको हुँ । भक्तले आर्टिष्ट खबरसँग कुरागर्दै भने । अहिलेको भिडिओमा पनि मिहिनत गरेका छौं, आशा छ दर्शकले माया गर्नुहुनेछ । भिडिओ कमल भक्त युट्युव च्यानलमा शनिबार अपलोड गरिएको छ ।
