कलाकार डंगोललाई सहयोग गर्न सरकारलाई कोमलको आग्रह

Posted on: August 07, 2021
आर्टिष्ट खबर/ साउन, काठमाडौं । 

दुवै मिर्गौला फेल भएर उपचार गराइरहनु भएकी कलाकार पल्पसा डंगोलको उपचारमा सहयोग गर्न राष्ट्रियसभा सांसद एवम् गायिका कोमल वलीले सरकारलाई आग्रह गर्नुभएको छ । बुधबार राष्ट्रियसभा बैठकको शून्य समयमा बोल्दै कोमलले पल्पसाको स्वास्थ्य उपचारमा सक्दो सहयोग गरिदिन प्रधानमन्त्री शेरबहादुर देउवालाई आग्रह गर्नुभएको हो ।  

कोमलले राष्ट्र निर्माणमा कलाकारहरुको ठुलो योगदान भए पनि कलाकारहरुलाई समस्या पर्दा सरकारबाट खासै सहयोग नपाउने गुनासो समेत गर्नुभयो । पल्पसालाई पाँच वर्षअघि पहिलोपटक मिर्गौलाको समस्या देखिएको हो । तर, परिवारका कसैलाई पनि उहाले यसबारे जानकारी दिनुभएको थिएन ।  दुई छोरीहरू समेत उहाको समस्याबारे अनभिज्ञ रहेको बताइएको छ ।  तर डेढ महिनाअघि उहालाई सास फेर्न गाह्रो भएपछि मात्रै टिचिङ अस्पताल भर्ना गरिएको थियो । अहिले पनि पल्पसा अस्पतालमै उपचाररत हुनुहुन्छ ।  हाँस्य सिरियल ‘मेरी बास्सै’मा अभिनय गरेपछि पल्पसालाई दर्शकले ‘चम्सुरी’ नामले चिन्दै आएका छन् । 




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]