प्रियंका र सरिताको अभिनयमा वेब सिरिज ‘साहु बा’बन्ने

Posted on: June 14, 2022
आर्टिष्ट खबर/ जेठ, काठमाडौं । 

नयाँ वेब सिरिज निर्माणका लागी नायिका प्रियंका कार्की र सरिता गिरीले सहकार्य गर्ने हुनुभएको छ । प्रियंका र सरिताको मुख्य भूमिका रहने वेब सिरिज ‘साहु बा’को सोमबार काठमाडौंको अनामनगरस्थित मन्दिरमा मुहूर्त गरियो ।

फ्रेम इन प्रोडक्सनले निर्माण गर्ने सिरिजलाई सुजोय योङले निर्देशन गर्नुहुनेछ । मंगलबारदेखि छायांकन हुने थ्रिलर सिरिज काठमाडौं आसपासमा खिचिने भएको छ । प्रियंका र सरितासहित सिरिजमा अमितेष शाह, कविता नेपाली, नम्रता श्रेष्ठ, शेखर चापागाईं, कविता नेपाली र प्रदीप बाँस्तोलाको मुख्य भूमिका छ । सिरिजमा सरिताले मुख्यमन्त्री र प्रियंकाले प्रहरी इन्सपेक्टरको भूमिका निर्वाह गर्नुहुनेछ ।

सरिता सिरिजमा कास्टिङ निर्देशक समेत हुनुहुन्छ । सिरिज पहिलो सिजनमा १३ एसिपोड छायांकन हुने जनाइएको छ । 




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]