कमल र मेलिनालाई म्याड्रिक्सको सरप्राइज

Posted on: September 16, 2022
आर्टिष्ट खबर/ भदौ, काठमाडौं । 

केहि दिन अघि गायक कमल खत्री र गायिका मेलिना मैनालीले इन्गेजमेन्ट (टिकाटालो) गरेका थिए । गत आइतबार सामाजिक सञ्जालमार्फत तस्वीर सार्वजनिक गर्दै उनीहरुले आफूहरुबीच इन्गेजमेन्ट भएको जानकारी गराएका थिए । कमल र मेलिना मैनालीको यो नव जोडीलाई सानो ठिमी दिब्यस्वरी प्लानिङ्ग रिभर साइडमा रहेको रेस्टुरेन्ट म्याड्रिक्सले सरप्राइज पार्टी दिएको छ । बिहिबार सांझ म्याड्रिक्समा पुगेको जोडी त्यहाँको माहोल देखेर अचम्मित बने । रेस्टुरेन्ट संचालकले सामान्य भेटघाट भनेर बोलाउनु भएको थियो यहाँ आइ पुग्दा यहाँको तयारी देखेर अचम्म परेको कमलले बताए ।


म्याड्रिक्समा हुने विभिन्न सांगीतिक गतिविधिमा सहभागी भई रहने यो जोडीलाई यसरी स्वागत गर्न पाउँदा आफुलाइ पनि खुसि लागेको संचालक प्रतीत खड्काले बताए। सेलिब्रेटीहरुको विभिन्न उत्सवहरुलाई झन् महा उत्सवको रुपमा मनाउनु पर्छ भन्ने सोचका साथ यो कार्यक्रम राखिएको खड्काले बताए। पारिवारिक बाताबरणमा स्वच्छ खानाको परिकार संगै सांगीतिक प्रस्तुतिको मजा लिन पाइने म्याड्रिक्सले विभिन्न सांगीतिक कार्यक्रमहरु पनि गर्दै आइ रहेको छ ।

थुप्रै संचारकर्मीहरुको बिचमा केक काट्दै यो जोडीले खुसि साटासाट गर्यो। कमल र मेलिना केही समयदेखि प्रेम सम्बन्धमा थिए । कमल नेपाली सांगीतिक क्षेत्रका चर्चित गायक तथा संगीतकार हुन् भने मेलिना मैनाली उदयीमान गायिका हुन् । उनी रियालिटी शो भ्वाइस अफ नेपालबाट चर्चामा आएकी हुन् ।



Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]