प्रभासको ‘आदिपुरुष’मा ५०० करोडको लगानी

Posted on: June 03, 2022
एजेन्सी

साउथका सुपरस्टार प्रभासको नयाँ चलचित्र ‘आदिपुरुष’ आउनेक्रममा छन् । यो चलचित्रका लागी ५ सय करोडको बजेट राखिएको भन्ने खबरले थप चर्चा पाएको छ । भारतीय सबैभन्दा महँगो चलचित्रमध्ये एक ‘आदिपुरुष’ हुने बताइएको छ ।

यो प्रभासको करियरकै सबैभन्दा महँगो चलचित्र हुनेछ । भूषणकुमार चलचित्रका निर्माता हुनुहुन्छ । भूषणकुमारले ‘आदिपुरुष’ को बजेट ५०० करोड रहेको बताउनु भएको हो । चलचित्रका निर्देशक ओम राउत हुनुहुन्छ । निर्देशक राउतले चलचित्रबाट भगवान रामलाई बुझ्ने प्रयास गरेको बताउनुभयो । चलचित्र ‘रामायण’ को रूपान्तरण हो । चलचित्रमा प्रभास भगवान श्रीरामको भूमिकामा देखिनुहुनेछ । 

चलचित्रमा प्रभासका अलावा सैफ अली खान, कृति सेनन र सन्नी सिंह पनि मुख्य भूमिका छ । चलचित्रमा कृति सेनन सीताको भूमिकामा हुनुहुन्छ । चलचित्र १२ जनवरी २०२३ मा विश्वभर २० हजारभन्दा बढी पर्दामा रिलिज गरिने बताइएको छ । यो भारतीय चलचित्रमा अहिलेसम्मको सबैभन्दा ठूलो विश्वव्यापी रिलिज हुनेछ ।




Artist Khabar Media Pvt. Ltd.
Gongabu, Kathmandu
Editor:Gopi Krishna Chapagain
सूचना विभाग दर्ता नंः २६७४/०७७-०७८
Contact: +9779851279301
Email: [email protected]