७ पुष २०७२, मंगलवार ०६:२१ 
पुस ७, काठमाडौं । नायिका रेखा थापाको फिल्म रामप्यारीको पहिलो गित सार्वजनिक गरीएको छ । रामप्यारीमा समावेश ‘अर्को जुनि’ बोलको गितको भिडियो युट्युवमा सार्वजनिक गरीएको हो । सार्वजनिक भिडियोमा नायिका रेखा थापा र नायक सविन श्रेष्ठको नृत्य देख्न सकिन्छ ।
आउँदो चैत २६ गतेबाट अलनेपाल प्रदर्शनमा आउने यो फिल्मको सार्वजनिक भिडियोमा रामजी लामिछानेको कोरियोग्राफी रहेको छ भने किरण खरेलको शब्द रहेको छ । गीतमा राजेश पायल राई र मनिषा पोखरेलले स्वर दिएका छन् ।
यसअघि अडियो मात्र सार्वजनिक भएको रामप्यारीको भिडियो हेर्दा दर्शकको मन जित्न सक्ने सम्भावना देखिन्छ । यसो त रेखा थापाका यो भन्दा अघिका फिल्मका गित पनि निकै हिट भएका थिए ।
सविर श्रेष्ठ निर्देशित फिल्म महिला टेम्पु चालकको कथामा आधारित छ, जसको शिर्ष भूमिकामा रेखा प्रस्तुत भएकी छन् । फिलममा रेखाको साथमा सविन श्रेष्ठ, आभाष अधिकारी र आश्मा डिसीको अभिनय देख्न सकिनेछ।
