११ पुष २०७२, शनिबार ००:४६ 
पुस ११, काठमाडौं । अभिनेता भुवन केसीले पहिलो पटक निर्देशन गरेको फिल्म ड्रिम्स को फस्ट लुक सार्वजनिक गरीएको छ । क्रिसमस डेको अवसर पारेर निर्देशक भुवनले फिल्मको पोस्टर सार्वजनिक गरेका हुन् ।
फिल्मको मुख्य भुमिकामा रहेका भुवनका छोरा अभिनेता अनमोल केसी र साम्राज्ञी राज्य लक्ष्मी पोस्टरको फिचरिङ छन् । फिल्मी क्षेत्रमा करिब तिन दशक पुरा गरीसकेका भुवनले लामो अनुभवका साथमा आफु फिल्म निर्देशनमा आएको बताएका छन् । उनले यस अघि काजल फिल्मस्को ब्यानरबाटै , नेपाली बाबु, करोडपति, म तिमी बिना मरिहाल्छु जस्ता सुपरहिट फिल्म बनाईसकेका छन् । अबको यस फिल्म पनि अनमोललाई लिएर बनाउँदा उनका टिनएजर दर्शक धेरै भएकाले पनि फिल्मले सफलता पाउन सक्ने सम्भावना देखिन्छ । फिल्ममा साम्राज्ञीराज्य लक्ष्मी शाह र सन्ध्या केसीले डेब्यु गर्दैछन् ।
फिल्मलाई पुरुषोत्तम प्रधान र सन्जय लामाले खिचेको हुन् भने सामीप्यराज तिमल्सेनाको पटकथा रहेको छ । त्यस्तै हरकुलिश बस्नेत र विशेष पाण्डेको संगीत, बनिश शाह र मिलन श्रेष्ठले फिल्मको सम्पादन गरेका छन् । फिल्म आउँदो फागुन २१ मा रिलिज हुँदैछ ।
