१९ फाल्गुन २०७६, सोमबार ०२:५६ 
<pre style="text-align: justify; "><b>आर्टिष्ट खबर/ फागुन, काठमाडौं ।</b></pre><p style="text-align: justify; "> लोक रक ब्यान्ड नेपथ्यले शनिबार काठमाडौंको भृकुटीमण्डपमा कन्सर्ट गरेको छ । विद्यालय पुनर्निमाणका लागि ‘शिक्षाको लागि संगीत’ नाम दिएर कन्सर्टको आयोजना गरिएको हो । कार्यक्रम ‘हेल्प नेपाल नेट्वर्क’ले आयोजना गरेको हो । <br></p><p style="text-align: justify; ">कार्यक्रमको टिकट खरिदबाट जम्मा भएको सम्पूर्ण रकम दोलखाको भिमेश्वर नगरपालिकास्थित राजकुलेश्वर निम्न माध्यमिक विद्यालयको भवन निर्माणमा गरिनेछ । यसअघि २०७५ को भदौमा स्वयम्भूमा ब्यान्ड प्रस्तुत भएको थियो । दुई घण्टा लामो कार्यक्रममा ब्यान्डले आफ्नो नयाँ पूरानो गरी दर्जनभन्दा बढी गीत गाए । कार्यक्रममा गायक अमृतले भने, ‘सामाजिक सेवाका काममा सबैजना मिलेर सकृय रहनु पर्छ । त्यस्तै परोपकारी कार्यका लागि पहल गरेकोमा यो कार्यक्रम आयोजकलाई धन्यवाद ।’</p><p style="text-align: justify; ">कार्यक्रममा पुनर्निर्माण गरिने विद्यालय सम्बन्धी भिडियो सामाग्री पनि देखाइएको थियो । मञ्चमा अमृतलाई ड्रमसेटमा ध्रुव लामा, किबोर्डमा सुरज थापा, बेस गितारमा सुविन शाक्य, गितारमा निरज गुरुङ र मादलमा शान्ति रायमाझीले सघाएका थिए ।</p><p style="text-align: justify; "><br></p>
