३ चैत्र २०७६, सोमबार ०४:४८ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ चैत, काठमाडौं ।</span></pre><p style="text-align: justify; ">पोखराका क्रियाशील गीतकारहरु संगठित भएका छन् । गीतकार हरिहर खनियाको अध्यक्षतामा ११ सदस्यीय कार्यसमिति रहेको गीतकार प्रतिष्ठान नेपाल गठन गरेसँगै उनीहरु सङ्गठित भएका हुन् । लमजुङमा जन्मेर २ दशकभन्दा लामो समयदेखि पोखरामा गीतकारका रुपमा क्रियाशील खनियाको ‘दोष’ एल्बमका ‘मैले बा आमा त्यागेर रोजेको मायाले मलाई धोका दिई…., सबको पिरतीमा दरबार हुन्छ…’ लगायत गीत चर्चित छन् । समितिको उपाध्यक्षमा ‘मबिना कसै कसैलाई मुस्किल छ पोखरामा’ का गजलकार-गीतकार शीतल गिरी, महासचिवमा ‘नानीको चञ्चले बानीले बिगा¥यो…., कहिले फूल बनी फक्रेर फुलूँ भन्छ मन…’ लगायत गीतका गीतकार अनुराग अधिकारी चयन भएका छन् । त्यस्तै कोषाध्यक्षमा बिर्सना बस्नेत, सचिवमा रुपिन्द्र प्रभावी तथा सदस्यहरुमा रेशम रचक, देवी त्रिपाठी, मिर्मिसा पराजुली, जीवन पण्डित, प्रकाश अधिकारी र लाल कार्की ‘अञ्जान’ चयन भएका छन् ।<br></p><p style="text-align: justify; ">यसै बीच, प्रतिष्ठानको बैठकबाटसरुभक्त, तीर्थ श्रेष्ठ, प्रकट पगेनी ‘शिव’, डा. कृष्णहरि बराल र हरिदेवी कोइरालालाई सल्लाहकार चयन गरिएको छ । प्रारम्भिक चरण भेलामा उपस्थित गीतकारहरुमध्येबाट समिति गठन भएको र आगामी दिनमा पोखरा र पोखराबाहिर क्रियाशील विभिन्न गीतकारहरुलाई संस्थामा समेट्दै अघि बढ्ने योजना रहेको महासचिव अनुराग अधिकारीले जानकारी दिए । ‘संस्थामा हाल समेटिएकाभन्दा बाहिर धेरै गीतकारहरु छन्’ अधिकारीले भने, ‘संस्थाप्रति सकारात्मक सोच भएका सबै गीतकारहरुलाई क्रमशः आबद्ध गरिने छ ।’</p><p style="text-align: justify; ">विभिन्न विधागतसंस्थाहरु स्थापना भइसकेको पोखरामा गीतसम्बन्धी विधागत संस्थाको आवश्यकता बोध भएर यो अभियानमा लागेको अध्यक्ष हरिहर खनियाले बताए । उनका अनुसार गीतकारको हक, हितका लागि कार्य गर्ने, गीतकारको अस्तित्व र पहिचानको खोजी गर्ने लगायतका उद्देश्य रहेको प्रतिष्ठान कुनै संस्थाको शाखा नभई स्वायत्त संस्था हो ।</p><p><br></p>
