२५ पुष २०७२, शनिबार २१:४५ 
पुस २५, पोखरा । पोखराको न्युरोडमा अवस्थित त्रिबेणी संगीत प्रशिक्षण केन्द्रले गर्दै आइरहेको साप्ताहिक म्युजिकल कार्यक्रममा त्यहीका प्रशिक्षार्थी गायक श्रीधर कंडेल र संगीतकार लक्ष्मण डुम्रेको नयाँ आधुनिक गीतको अडियो सार्वजनिक गरिएको छ ।
गायक श्रीधर कंडेलको , लक्ष्मण डुम्रेको शब्द संगीत र बिबी अनुरागी संगीत सम्योजनमा त्यार भ्एको गीत भेट हुँदा मेरी मायालु र लक्ष्मण डुम्रेको संगीतमा एकनारायण अर्यालको शब्दमा चर्चित गायक प्रमोद खरेलले गाएको गीत एउटा मुटु तिम्रो एउटा मुटु मेरो को संयुक्त रुप्मा सार्वजनिक गरिएको हो । सोही प्रशिक्षण केन्द्रकी प्रशिक्षार्थी कन्चन राइको शब्द संगीतमा राजेश पयाल राइको आवाज भ्एको गीत आशु झर्यो आज मेरो अनयासै तिम्रो यादमाको पनि अडियो बिमोचन गरिएको हो ।
साहित्यकार तथा गीतकार दुर्गा शाह बाबा र अग्रज कलाकार पशुपती गुप्ताको संयुक्त आतिथ्यतामा भएको कार्यक्रमको सभापति भने त्रिबेणी संगीतालयका निर्देशक तथा प्रशिक्षक नवराज बराल रहेका थिए ।
–सन्तोष बस्याल
