अनाथ बालबालिकासँग मनाए गायक कबिन्द्रले जन्मदिन

२३ कार्तिक २०७८, मंगलवार १४:४९

<pre style="text-align: justify; ">आर्टिष्ट खबर/ कात्तिक, काठमाडौं । </pre>‘डाँडैमा मेला लागेछ, तिम्रो मेरो मायाको आधार, रिमझिम रिमझिम’ लगायतका हिट गीतका गायक कबिन्द्र श्रेष्ठले जन्मदिन मनाएका छन् । मंगलबार बुढानिलकण्ठस्थित निवासमै नेवारी संस्कृति अनुसारको पुजासँगै मन्दिरको दर्शनपछि अनाथबालबालिकासँग आफ्नो जन्मदिन मनाएका हुन् । गायक कबिन्द्रले जन्मदिनको अवसर पारेर मुलपानीस्थित स्नेहा आश्रममा आर्थिक सहयोग पनि गरे ।  <img src="http://artistkhabar.com/uploads/posts/811014eb1d66c477b05867a60f1e88101636469347.jpg" style="width: 1024px;"> गायक कबिन्द्रले जन्मदिनमा शुभकामना दिने सबैलाई धन्यवाद ब्यक्त गरे । साथै प्रत्येक बर्षका जन्मदिनमा बिभिन्न अशक्त तथा अनाथहरुलाई सहयोग गर्दै आएको र यसपटक पनि सहयोग गरेको जानकारी गराए । गायक कबिन्द्र भन्छन, ‘मैले जन्मदिनमा मात्रै होइन अन्य बेला पनि बिभिन्न ठाउँमा सहयोग गर्ने गरेको छु , यसपटक स्नेहा आश्रममा सानो आर्थिक सहयोग गरेको हुँ । फेरी–फेरी सहयोग पनि गर्नेछु ।’ बिशेषगरी सामाजिक कार्य गर्न रुचाउने कबिन्द्रले कलाकार सुलेमान शंकर (ईकु)ले सञ्चालन गरिरहनुभएको स्नेहा आश्रममा पुगी ३० हजार रुपैंया आर्थिक सहयोग गरेका थिए । ‘मैले ईकु भाईलाई पहिल्यै देखि चिन्थेँ । बिभिन्न कार्यक्रममा जाँदा भेट हुन्थ्यो र कुरा हुँदा आश्रम सञ्चालन गरेको थाहा पाउँदा निकै खुसी लाग्यो । एक कलाकार भएर यति राम्रो काम गर्नुभएको भन्ने थाहा पाएपछि एकदिन पुग्छु भन्ने थियो । अहिले जन्मदिनको अवसरमा आउने मौका पाएँ ।’ कबिन्द्रले अघि भन्छन्, ‘अहिले एकमहिनाका लागी खर्च पुग्ने गरी मात्र सानो आर्थिक सहयोग गरेको हुँ । भोलीको दिनमा मेरो सहयोग रहनेछ । मैले बिभिन्न संघसंस्थालाई पनि आह्वान गर्नेछु ।’<img src="http://artistkhabar.com/uploads/posts/23374cc093a57381e4a98e509c8b144b1636469359.jpg" style="width: 1024px;"> बि.स. २०४९ सालमा पहिलो एल्बम सार्वजनिक गरेर सांगितीक क्षेत्रमा औपचारिक रुपमा प्रवेश गरेका गायक कबिन्द्रले बिचका केहिबर्ष गीतसंगीतमा ब्रेक लिएको भएपछि पछिल्लो समय सक्रिए देखिन्छन् ।  भर्खर केहि दिन अघिमात्रै उनको तिहार बिशेष गीत सार्वजनिक भएको थियो ।