न्यूओर्कको ‘रमझम साँझ’मा घन्कियो गलबन्दि

१५ पुष २०७८, बिहीबार ०८:४०

<pre style="text-align: justify; ">आर्टिष्ट खबर/ पुस, काठमाडौं । </pre>दुईबर्ष अघि सार्वजनिक प्रकाश सपूतको ‘गलबन्दि’ गीतले देशसँगै बिदेशमा अत्यधिक चर्चा कमायो । यहि गीतले गायक प्रकाशलाई नेपालका बिभिन्न जिल्लाको कुना कुनासँगै बिदेशका थुप्रै देशमा पुरायो ।कुनैपनि स्टेजमा चढिसकेपछि प्रकाशलाई ‘गलबन्दि’ नगाई सुख हुँदैन । यस्तै यो अन्तरालमा अमेरिकाका दर्शकलाई गायक प्रकाशले प्रत्यक्ष गीत गाएर सुनाउन पाउनुभएको थिएन । गएको आइतबार (डिसेम्बर २६) राती न्यूओर्कस्थित क्विन प्यालेसमा ‘गलबन्दि’ मज्जैले घन्कियो । पहिलो पटक न्यूओर्क पुग्नुभएका गायक प्रकाशले आफ्ना चर्चित गीतहरु सुनाउनुभयो । हलमा उपस्थित सयौं दर्शक प्रकाशका गीतमा मज्जैले झुमेको देखियो ।नेपाली अमेरिकन कलाकार संघले आयोजना गरेको ‘रमझम साँझ २०२१’मा प्रकाश सँगै लोकप्रिय कलाकार तथा चलचित्र निर्देशक दीपाश्री निरौला, गायक किरण गज्मेरले पनि आफ्नो प्रस्तुतीले झुमाउनु भएको थियो । यस्तै कार्यक्रममा गायक प्रेमराजा महत, भगवान भण्डारी, उदय भट्टराई, लक्ष्मण पौडेल, गायिका रेश्मा सुनुवार, शान्ति भण्डारी, अन्जना गुरुङ, डान्सर गीता राई, शंकर बिसीको पनि प्रस्तुती रहेको थियो ।कार्यक्रम भब्यताका साथ सम्पन्न भएको संस्थाकी महासचिव संगीता थापा मगरले जानकारी गराउनुभयो । संगीताका अनुसार कार्यक्रममा सोचेअनुरुपका दर्शकको उपस्थिती रहेको थियो । यस्तै कार्यक्रममा गायिका सपनाश्री र गायक जगदिश समाललाई लाइफटाइम अचिभमेन्ट अवार्ड प्रदान गरिएको बसन्ती राईलाई बिशेष सम्मान गरिएको नेपाली अमेरिकन कलाकार संघका पुर्व अध्यक्ष लोकप्रिय गायक बिमल डाँगीले जानकारी गराउनुभयो । यस्तै संस्थाकी अध्यक्ष निशा सुनारले कार्यक्रम सम्पन्न गर्नका लागी खटिने सम्पुर्णलाई धन्यवाद ब्यक्त गर्नुभएको छ । उहाँले आगामी दिनमा पनि यस्तै कार्यक्रम गर्ने जानकारी गराउनुभयो ।गायक प्रकाशले पहिलोपटक न्युओर्क आउँदा निकै माया पाएको र नेपालीहरुको गीतसंगीत प्रतिको मोह निकै रहेको जानकारी गराउनुभयो । प्रकाशले स्टेजबाटै न्यूओर्क आफूले सोचेभन्दा धेरै फरक रहेको बताउनुभएको थियो । वरिष्ठ लोक गायक भगवान भण्डारी प्रमुख अतिथि रहनु भएको कार्यक्रम साँझ ७ बजे सुरु भएर बिहान २ बजे सकिएको थियो ।