अनमोलले ‘हनी बनी’ नगर्ने

<pre style="text-align: justify; "><b>आर्टिष्ट खबर/ बैशाख, काठमाडौं ।&nbsp;</b></pre><p style="text-align: justify; ">गएको चैतमा नयाँ चलचित्र ‘हनी बनी’मा काम गर्ने सम्झौता गर्नुभएका अभिनेता अनमोल केसीले उक्त चलचित्रमा काम नगर्ने हुनुभएको छ । निर्देशक दीवाकर भट्टराईले निर्देशन गर्ने भनिएको ‘हनी बनी’को स्क्रिप्ट पढेको दुई दिनमै अनमोलले चलचित्रमा काम गर्न तयार भएको भनिएको थियो तर, छायांकनमा निस्कने समयमा उहाले यो चलचित्रबाट हात झिक्नुभएको हो ।&nbsp;</p><p style="text-align: justify; ">निर्देशक भट्टराईले सहमतिमै अनमोल चलचित्रबाट निस्किएको बताउनुभयो । अभिनेता केसीले चलचित्रको चरित्र निर्वाह गर्न सक्नेमा शंका व्यक्त गरेपछि निर्माण टिम र उनीबीच अलग हुने सहमति भएको जानकारी प्राप्त छ । तर, अनमोलले चलचित्र छाड्नुको कारणबारे बताउनु भएको छैन । केही दिन वर्कसप समेत गर्नुभएका उहाको चलचित्रको छायांकनका लागि बेलायतको भिसा समेत आइसकेको थियो ।&nbsp;</p><p style="text-align: justify; ">अनमोलले साइन गरेको चलचित्र छाडेको यो पहिलो पटक होइन । यसअघि उहाले ‘ब्याचलर बन्टी’, ‘धुपौरे’ जस्ता चलचित्र साइन गरेर छाड्नु भएको थियो । अनमोलसँगै चलचित्रबाट अभिनेत्री सारा सिरपाली पनि अलग हुनुभएको छ । साराको भिसा नझरेपछि निर्माण टिमले उहाको ठाउँमा अभिनेत्री जसिता गुरुङलाई लिने तयारी गरेको छ । उहा अहिले बेलायतमै रहेको र स्क्रिप्ट पनि मन पराएकाले चलचित्रमा उहाको सम्भावना बलियो रहेको दीवाकरले बताउनु भएको छ ।&nbsp;</p><div style="text-align: justify; "><br></div>