गीतकार सङ्घद्धारा यसबर्षको ‘राष्ट्रिय स्रष्टा सम्मान’ घोषणा

<pre style="text-align: justify; "><b>आर्टिष्ट खबर/ बैशाख, काठमाडौं ।&nbsp;</b></pre><p style="text-align: justify; ">गीतकार सङ्घ नेपालले यसबर्षका लागी ‘राष्ट्रिय स्रष्टा सम्मान’मा सम्मानीत हुने स्रष्टाहरुको नाम सार्वजनिक गरेको छ । स्रष्टा सर्जकको उत्साह तथा क्रियाशील र सम्मानको लागि संघले हरेक वर्ष ‘राष्ट्रिय स्रष्टा सम्मान’ प्रदान गर्दै आएको छ ।<br></p><p style="text-align: justify; ">सङ्घले यस वर्षको ‘अमर भावना गीतकार राष्ट्रिय स्रष्टा सम्मान २०७८’ नेपाली गीत लेखनमा निरन्तर साधनारत झापा विर्तामोड निवासी अग्रज गीतकार शिवशंकर थापालाई प्रदान गरिने जनाएको छ । थापालाई १, लाख ५१ हजार रुपैंया नगद सहित ताम्रपत्र र दोसल्ला ओढाएर सम्मान गरिने जनाइएको छ ।&nbsp; &nbsp;</p><p style="text-align: justify; ">यस्तै ‘डायस्पोरा गीतकार सम्मान’ विदेशमा बसी नेपाली गीत लेखनमा योगदान पु¥याए बापत अमेरीकाको न्यूयोर्कमा बसोवास गर्ने गीतकार&nbsp; गीता खत्रीलाई प्रदान गरिनेछ । उहाँलाई १५ हजार रुपैंया नगद सहित प्रमाण पत्र प्रदान गरिने छ ।</p><p style="text-align: justify; ">यस्तै गत वर्षबाट शुरु गरिएको ‘बिष्णु मनसरा घले मातृभाषा गीतकार सम्मान –२०७८’ बाट तामाङ्ग भाषाका लागि रामेछाप निवासी गीतकार प्राज्ञ मान बहादुर दोङ्ग तामाङ्गलाई प्रदान गरिदैछ । उहाँलाई २५ हजार २ सय ५२ रुपैयाँ नगद सहित प्रमाण पत्र प्रदान गरिनेछ । यस्तै संस्थामा आवद्ध सदस्यहरुले २०७८ मा सार्वजनिक गरेका र संस्थामा विधिवत दर्ता <span style="white-space:pre"> </span>हुन आएका गीतहरु मध्येबाट ‘वर्ष गीत पुरस्कार २०७८’ प्रयोजनका लागि उत्कृष्ट १० गीतहरु छनोट गरिएको छ ।&nbsp;</p><p style="text-align: justify; ">वर्षगीत पुुस्तक २०७८ का लागी विरेन्द्र राईको ‘रैछाकुले म’, टिका भट्टाराई नेपालको ‘मनका रंगहरु’ र विजय कट्टेल ‘छहरा’ को ‘देशकै माया लाग्छ’ छनोट भएका छन् । छानिएका उत्कृष्ट १० गीतहरु र ३ पुस्तकहरु मध्येबाट विशेष समितिले चयन गर्ने एक–एक सर्वोत्कृष्ट गीतलाई कार्यक्रम स्थलमा नै घोषणा गरि प्रत्येकलाई ५७ हजार रुपैया&nbsp; नगद पुरस्कार तथा प्रमाण पत्र प्रदान गरिने संङघका महासचिव रमेश कोइरालाद्धारा जारी बिज्ञप्तीमा उल्लेख छ ।&nbsp;</p><p style="text-align: justify; "><br></p><p style="text-align: justify; "><br></p>