अभिनेता बिजय लामाको बुबा निर्देशक हेम बहादुरको निधन

२ जेष्ठ २०७९, सोमबार ०९:३९

आर्टिष्ट खबर, जेठ, काठमडौं । देशभर स्थानिय तहको निर्वाचनको मतपरिणाम आउँदै गर्दा कतै हर्सोल्लास भइरहँदा पाइलट तथा अभिनेता बिजय लामाका बुबा चलचित्र निर्माता तथा तथा निर्देशक हेम बहादुर लामाको निधन भएको छ । हृदयघातपछि अस्पताल भर्ना हुनुभएका उहाको आइतबार दिउँसो १ बजेर १५ मिनेटमा त्रिभुवन शिक्षण अस्पताल महाराजगञ्जमा निधन भएको हो ।  उहाँको आजै स्वयम्भुमा बौद्ध परम्पराअनुसार  दाहसंस्कार गरिने भएको छ । उहाको पार्थिव शरिरमा दिउँसो बालुवाटारस्थित घरमा पुगेर कलाकार र शुभेच्छुकले अन्तिम श्रद्धाञ्जली दिएका छन् ।९४ बर्षिय हेम बहादुर लामाले १९८४ मा आदर्श नारी चलचित्रको निर्माण तथा निर्देशन गर्नुभएको थियो । उहाँ नेपालको पहिलो टेनिस खेलाडी पनि हुनुहन्थ्यो ।  हेम बहादुरका छोरा अभिनेता विजय लामाले बुवाको निधनमा फेसबुकमा भावुक स्टाटस पनि लेख्नुभएको छ, ‘बाउ तिमी बिना मलाई बस्ने बानी छैन । तिम्रो यादले निकै सताउने छ । तर, मलाई विश्वास छ, तिमी जहाँ छौं, खुशि छौ । तिम्रो खुशि नै मेरो खुशि हुनेछ ।’<img src="http://artistkhabar.com/uploads/posts/c26fc6fdc32fb4b8b74aa1bddc8067621652693969.jpg" style="width: 1080px;"> नेपाली कला जगतका विभिन्न व्यक्तित्वले पनि निर्देशक लामाको निधनप्रति दुःख व्यक्त गरेका छन् । आजीवन सदस्य समेत रहनु भएका लामालाई २०७७ सालमा चलचित्र निर्देशक समाजले दीर्घ साधना सम्मान प्रदान गरेको थियो ।आदरणीय दर्शक महानुभाव अर्को कुरा, स्व. हेम बहादुर लामाले आफ्नो परिवारलाई दुख नहोस् भन्दै जिवित हुँदै आफ्नो क्रिया अर्थात स्व घेवा आफैले गर्नुभएको छ । जसका कारणले पछि आफ्ना परिवारलाई सहज होस् भन्ने चाहानुभएको थियो । उहाले आज भन्दा ७/८ बर्ष अघिनै घेवा गरिसक्नुभएको थियो । तर अभिनेता बिजय लामा सहितका सन्तानले आफ्नो कर्तब्य पुरा गर्नुपर्छ भन्दै  घेवाको कार्यक्रमलाई अगाडी बढाउनु भएको छ । स्व. हेम बहादुर लामा प्रति आर्टिष्ट खबर परिवार हार्दिक श्रृद्धान्जली ब्यक्त गर्दछ ।