अब आशा ‘कबड्डी ४’ को

८ जेष्ठ २०७९, आईतवार १०:२७

<pre style="text-align: justify; ">आर्टिष्ट खबर/ जेठ, काठमाडौं ।</pre>अहिले नेपाली सिनेमा हलमा नेपाली भन्दा बिदेशी चलचित्रको ताँती छ । सातैपिच्छे दुई देखी तीन बिदेशी चलचित्र प्रदर्शन भइरहेका छन् । बिदेशी चलचित्रको चेपुवामा परेका नेपाली चलचित्रले अहिलेको समयमा दर्शक पाउन निकै मुस्किल छ । त्यसो त दुईबर्ष सम्म कोरोना कहरका कारण हलमा चलचित्र आउन सकेनन् । कोरोना कहरको असर सकिएपछि हलमा आएका नेपाली चलचित्रले पनि दर्शक मुस्किलले पाइरहेका छन् ।कोरोना कहरपछि हलमा नेपाली चलचित्र प्रदर्शन भइरहेका छन् तर हलमा दर्शकको उत्साहजनक सहभागीता भने केहि चलचित्रका लागी मात्र भयो । चलचित्र ‘म यस्तो गीत गाउँछु २’ र ‘ए मेरो हजुर ४’का लागी दर्शकको उपस्थिती केहि खुसीजनक रह्यो । तर ब्यापार सोचेअनुरुप हुन सकेन । यद्यपी दुबै चलचित्रका निर्माताले चलचित्रको ग्रस कलेक्सन राम्रो भएको भन्दै प्रतिक्रिया भने दिएका छन् ।  <blockquote>‘‘चलचित्र टिमले गएको बुधबार बेलुका नारायणगढस्थित नारायणी किनारमा भव्य कन्सर्ट आयोजना गरेको थियो । दमक र इटहरीपछि नारायणगढ पुगेको कबड्डी टोलीले बुटवल, पोखरा र काठमाडौंमा कन्सर्टको तयारी गरेको छ ।’’</blockquote> अहिले कुनैपनि नेपाली चलचित्रले हलबाट सम्पुर्ण लगानी सुरक्षित गर्छु भन्दा पनि हल बाहेकका बिभिन्न प्लेटफर्ममा बिक्री गरेर लगानी सुरक्षित गर्नुपर्ने अवस्था छ । कुनैपनि चलचित्रले हलबाट लगभग लगानी नउठाउने टुंगो अगाडी नै अनुमान भइसकेको हुन्छ । बिदेश प्रदर्शनको राइट्स्, डिजिटल राइट्सका कारणले चलचित्रका निर्मातालाई केहि राहत भने पक्कै मिल्ने गरेको छ ।यसैबिच यो बर्षकै लागी अर्को बहुप्रतिक्षित चलचित्रको रुपमा ‘कबड्डी ४’ लाई लिइएको छ । ‘कबड्डी’को सबैजसो सिरिजले सफलता पाएकाले यो चौथो सिरिजका लागी पनि दर्शकको पर्खाई छ । हलमा दर्शक कति आउलान् र ब्यापार कति गर्ला भन्नका लागी जेठ १३ गते प्रदर्शनपछि मात्रै भन्न सकिन्छ ।यो चलचित्र विश्व बजारमा प्रतिलिपी अधिकार बिक्रीबापत २ करोड रुपैयाँ कलेक्सन गरिसकेको छ । दुई करोड कलेक्सन गरेसँगै यो चलचित्रले प्रदर्शन अगावै चलचित्रको लगानी सुरक्षित गरेको हो । यो चलचित्रको अहिलेसम्मकै महंगो मूल्यमा विश्व बजारमा ‘राइट’ बिक्री भएको हो ।यो चलचित्रले युरोप, अमेरिका, अष्ट्रेलिया, बेलायत, न्युजिल्याण्ड, हङकङ, जापान तथा भारतमा प्रदर्शनका लागि प्रदर्शन ‘राइट’ बिक्री गरेको हो ।  चलचित्र ‘कबड्डी ४’ नेपाल र विदेशमा सिनेमा हलमा एकै मितिमा प्रदर्शनमा आउने बताइएको छ । भारतमा भने नेपाली हलमा प्रदर्शन भएको एकसाता पछि मात्रै प्रदर्शन हुने छ ।<img src="http://artistkhabar.com/uploads/posts/a861d1a60e885d352e4b0887ee97f2941653215270.jpg" style="width: 1080px;"> चलचित्रको प्रमोशनका लागी अहिले निर्माण टिम सहित कलाकारको टिम देश दौडाहामा छ । मुख्य कलाकार दयाहाङ राई, सौगात मल्ल, विजय बराल, मिरुना मगर लगायतको कलाकार यतिबेला प्रचारमा दौडिरहनुभएको छ । चलचित्र टिमले गएको बुधबार बेलुका नारायणगढस्थित नारायणी किनारमा भव्य कन्सर्ट आयोजना गरेको थियो । दमक र इटहरीपछि नारायणगढ पुगेको कबड्डी टोलीले बुटवल, पोखरा र काठमाडौंमा कन्सर्टको तयारी गरेको छ । चलचित्र छायांकन र निजी व्यस्तताले प्रचारमा हिँड्न नपाउनु भएका अभिनेता सौगात मल्ल नारायणगढबाटै पब्लिसिटीमा जोडिनु भएको हो । यस्तै चलचित्रको हिस्सा नभएपनि कलाकारहरु विल्सनविक्रम राई र गौरव पहारी पनि प्रचारमा हुनुहुन्छ । विल्सनले चलचित्रको तेस्रो सिक्वेलमा अभिनय गर्नुभएको थियो ।   नारायणी तीरमा भएको कन्सर्टमा कलाकारले गीत गाउनुभयो । सौगातले ट्रेलरमा राखिएको कविता वाचन गर्नुभयो । कलाकारबाट  उपस्थित केहि दर्शकलाई उपहार पनि बाँडीएको थियो । ‘कबड्डी ४’लाई अर्को ठूलो राहत मिलेको छ । नेपाली चलचित्रको ब्यापारलाई दृष्टिगत गर्दै एप्पल इन्टरटेनमेन्टले टम क्रुज स्टारर फिल्म ‘टपगन ः माभेरिक’लाई एकसाता पोस्टपोन्ड गरिदिएको छ । भारतसहित विश्व बक्सअफिसमा क्रुजको उक्त फिल्म जेठ १३ गते प्रदर्शन हुँदैछ । नेपालमा पनि सोही मितिमा रिलिजको तयारी भएको थियो तर, एप्पलले चलचित्रलाई एकसाता पछाडि रिलिज गर्ने निर्णय गरेको छ । अब भने टपगन फिल्म जेठ २० गते प्रदर्शन हुनेछ । यो कारणले पनि ‘कबड्डी ४’मा दर्शकको संख्या बढ्न सक्ने अपेक्षा राखिएको छ ।  रामबाबु गुरुङले निर्देशन गरेको ‘कबड्डी ४’मा बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल, कविता आले, जयनन्द लामा, प्रकाश घिमिरे, माओत्से गुरुङ, शारदा अधिकारी लगायतका कलाकारले अभिनय गर्नुभएको छ । यो चलचित्रको कथा लेखनमा निर्देशक गुरुङले उपेन्द्र सुब्बासँग सहकार्य गर्नुभएको छ ।<div style="text-align: justify; "> </div>