यज्ञको गीतमा सागर र यमुनाले गरे थारु पोशाकमा नृत्य

<pre style="text-align: justify; "><b>आर्टिष्ट खबर/ असार, काठमाडौं ।</b></pre><p style="text-align: justify; ">नेपाली म्युजीक भिडियोको क्षेत्रमा झण्डै दुईसय भिडियोमा अभिनय गरिसकेका कलाकार सागर लम्साल ९बले० भन्छन्, ‘मैले अहिलेसम्म थारु जातिको पोशाक लगाउने अवसर पाएको थिइन । थारु समुदायसँग नजिक छु तर यो किसिमको पोशाक लगाएर नृत्य गर्ने अवसर अहिलेसम्म नमिलेपनि यो भिडियोबाट यो चाहाना पनि पुरा भएको छ ।’</p><p style="text-align: justify; ">बिहीबार काठमाडौंको सिलौटो रेष्टुरेन्टमा आयोजीत ‘बैंश दिन नमिल्ने सापटी’बोलको गीतको भिडियो रिलिज कार्यक्रममा सागरले आफ्नो भनाई राखेका हुन् । सागरले चितवनको थारु समुदायमै पुगेर भिडियोको छायांकन गर्दाको अनुभव साटेका थिए । भिडियोमा सागरसँगै यमुना रसालले नृत्य गरेकी छिन् ।</p><p style="text-align: justify; "><img src="http://artistkhabar.com/uploads/posts/5714a79f7aaea24a0dd5118286c48bca1655309458.jpg" style="width: 1157px;"><br></p><p style="text-align: justify; ">भिडियोको मेकिङ कन्सेप्ट भने कोरियोग्राफर तथा निर्देशक काजिश श्रेष्ठको हो । चितवनका बिभिन्न ठाउँमा पुगेर मौलिक पन दिन खोजिएको काजिशको भनाई छ । ‘यसअघि पनि मैले केहि भिडियोमा थारु समुदायमै पुगेर छायांकन गरेको छु । तर सागर जीसँगको यो मेरो तेस्रो सहकार्य हो ।’ काजिशले भने । ‘चितवनको गर्मिमा दुईदिन लगाएर भिडियो छायांकन गरेका हौँ ।’</p><p style="text-align: justify; ">गीतमा यज्ञ बिक र अस्मिता अधिकारीको स्वर रहेको छ । कार्यक्रममा गायक यज्ञले आफ्नो गीतको अडियोलाई भिडियोले पुर्णरुपमा न्याय दिएको बताए । उनले भने, ‘मैले अडियोमा जसरी मिहिनत गरेको थिएँ त्यो अनुसारकै भिडियोको टिमले पनि मिहिनत गरिदिनुभयो र आज राम्रो भिडियो बन्यो ।’ भिडियोकी कलाकार यमुनाले पनि आफूले पहिलोपटक फरक अनुभव लिएको सुनाइन् ।</p><p style="text-align: justify; ">गीतमा यज्ञकै संगीत रहेको छ । नेत्र अर्यालले शब्द लेखेका हुन् । सुनिल परियारले संगीतको एरेन्ज गरेका छन् । भिडियो राजेश घिमिरेले खिचेका हुन् भने दीपक बिष्टलेको सम्पादन गरेका हुन् ।</p><p style="text-align: justify; "><iframe frameborder="0" src="//www.youtube.com/embed/3jTc2l_Phr8" width="640" height="360" class="note-video-clip"></iframe><br></p>