२० असार २०७९, सोमबार ०९:१० 
<pre style="text-align: justify; "><b>आर्टिष्ट खबर/ असार, काठमाडौं । </b></pre><p style="text-align: justify; ">कलाकर्मी मिडिया म्यानेज्मेन्टले प्रकाशन गरेको मासिक पत्रिका ‘कलाकर्मी डाइजेष्ट’ को पहिलो अंकको शनिवार काठमाडौंको पुरानो वानेश्वरस्थित लोकल सेकुवा रेष्टुराँमा आयोजित एक समारोहमा विमोचन गरिएको छ ।</p><p style="text-align: justify; ">काठमाडौं महानगरपालिकाका उपमेयर सुनिता डंगोल, वरिष्ठ कलाकार हरिहर शर्मा, अभिनेता भुवन केसी, काठमाडौं जिल्ला अदालतका न्यायाधिक विश्वनाथ भट्टराई, काठमाडौं महानगरपालिका वडा नम्बर ३१ का वडाध्यक्ष सरोज ढकाल, चलचित्र कलाकार संघका अध्यक्ष रविन्द्र खड्का, त्रिभुवन अन्तर्राष्ट्रिय विमानस्थलका महाप्रवन्धक प्रेम नाथ ठाकुर, कलाकार निर्मल शर्मा, निर्देशक दीपाश्री निरौला, नागार्जुना एकेडेमीका प्रिन्सिपल सुनिल विक्रम सिजापतिसहितका व्यक्तित्वले उक्त पत्रिकाको पहिलो अंक विमोचन गर्नु भएको हो ।</p><p style="text-align: justify; ">कलाकर्मी मिडिया म्यानेज्मेन्टका लागि पत्रकार कृष्ण भट्टराईद्वारा प्रकाशित उक्त पत्रिकाको सम्पादकमा बबिता ढकाल हुनुहुन्छ । ६८ पृष्ठको उक्त पत्रिका हरेक महिना प्रकाशित हुनेछ ।</p><p style="text-align: justify; ">राजनीति, मनोरञ्ज, स्वास्थ्य, शिक्षा, पर्यटन, खेलकुद, आर्थिक आदि क्षेत्रका विषयवस्तुहरु समेटिएको कलाकमी डाइजेष्ट पत्रिकाको विमोचन गर्दै काठमाडौं महानगरपालिकाका उपमेयर सुनिता डंगोलले छापा माध्यमको गति कम भैरहेको अवस्थामा प्रकाशनमा आएको यो पत्रिकाले समाजलाई नयाँ दिशा दिने धारणा व्यक्त गर्नु भएको । उपमेयर डंगोलले आफूलाई मत दिएर स्थानिय निकायको निर्वाचनमा विजयी गराउनु हुने काठमाडौंवासीलाई धन्यवाद अर्पण गर्दै सम्पूर्ण नगरवासीको सहयोगले काठमाडौंलाई एक वर्ष भित्रै सुन्दर नगरको रुपमा विकसित गर्ने योजना रहेको सुनाउनु भयो ।</p><p style="text-align: justify; ">समारोहमा उपमेयर डंगोलसहितका व्यक्तित्वले विभिन्न क्षेत्रमा अतुलनिय योगदान पुर्याउने पाँच जना व्यक्तित्वलाई ‘कलाकर्मी सम्मान९२०७९’ सम्मानित गर्नु भयो ।</p><p style="text-align: justify; ">त्यसक्रममा वरिष्ठ कलाकार हरिहर शर्मा, शिक्षासेवी उत्तमकुमार सञ्जेल, सामाजिक अभियन्ता ताराबहादुर कुँवर, समाजसेवी तिलबहादुर कार्की तथा गीतकार अम्बिका गुरुङलाई नगद ५ हजार ५ सय ५५ रुपैयाँ नगदसहित ‘कलाकर्मी सम्मान–२०७९’ द्वारा सम्मानित गरिएको हो ।</p><p style="text-align: justify; "><img src="http://artistkhabar.com/uploads/posts/2f2df1f36be1a93e79a0a8ac0dd8c99a1656925826.jpg" style="width: 700px;"><br></p><p style="text-align: justify; ">सम्मानित व्यक्तित्वको तर्फबाट आफ्नो धारणा व्यक्त गर्दै वरिष्ठ कलाकार हरिहर शर्माले कलाकारले कहिले पनि सम्मानका लागि काम नगर्ने तर यसरी अप्रत्यासित रुपमा सम्मानित हुन पाउँदा सधैं गौरवको महसुस हुने धारणा व्यक्त गर्नु भयो ।</p><p style="text-align: justify; ">जन्मँदै अपाङ्ग भएर जन्मनु भएका सम्मानित व्यक्तित्व तिलबहादुर कार्कीले निकै दुःख गरेर असाहय तथा टुहुरा बालबालिकाहरुको लालनपालनमा आफ्नो जीवन समर्पण गरेको व्यक्तिलाई एउटा सञ्चार माध्यमले सम्मानित गरिदिएकोमा खुशी व्यक्त गर्दै गोकर्णस्थित आफ्नो अपाङ एकता केन्द्रमा आएर कलाकारहरुले जन्मदिन मनाइदिए आफ्ना बालबालिकाहरुले एक छाक मिठो खान पाउने धारणा व्यक्त गर्नु भयो ।</p><p style="text-align: justify; ">काठमाडौं महानगरपालिका वडा नम्बर ३१ का वडाध्यक्ष सरोज ढकालले कलाकर्मी डाइजेष्ट पत्रिकाको निरन्तरताको कामना गर्दै पत्रकारितामार्फत काठमाडौं महानगर तथा समग्र देशलाई नै समृद्धितर्फ लैजान शुभकामना व्यक्त गर्नु भयो ।</p><p style="text-align: justify; ">न्यायाधिश विश्वनाथ भट्टराई, अभिनेता भुवन केसी, कलाकार संघका अध्यक्ष रविन्द्र खड्का, कलाकार संघका उपाध्यक्ष मोहन निरौला, सांस्कृतिक संस्थानका महाप्रवन्धक अशोक प्यासी राई, ईन्टिच्यूट अफ फेसन टेक्नोलोजीका सञ्चालक टेन्जिङ शेर्पा, काठमाडौं महानगरपालिका वडा नम्बर ३२ का सदस्य हीरादेवी पोखरेल, निर्देशक कृष्णदेव रुपाखेतीलगायतका व्यक्तित्वले सम्मानित व्यक्तित्वहरुलाई वधाइ ज्ञापन गर्दै अहिलेको परिस्थितिमा पत्रिकाको प्रकाशन प्रारम्भ भएकोमा ‘कलाकर्मी डाइजेष्ट’ परिवारलाई वधाइ ज्ञापन गर्नु भयो ।</p><p style="text-align: justify; ">समारोहमा कलाकर्मी डाइजेष्टका प्रकाशक कृष्ण भट्टराईले विषम परिस्थितका बीच पत्रिकाको प्रकाशन प्रारम्भ गरेर पाठकलाई छापामाध्यमतर्फ पुनः आकर्षित गर्ने प्रयास गरेको बताउनु भयो ।</p><p style="text-align: justify; "><br></p><p style="text-align: justify; ">कलाकर्मी डाइजेष्टकी सम्पादक बबिता ढकालले छापा माध्यमको महत्व कहिले पनि नघट्ने भएकाले यो पत्रिकाका प्रकाशनमा आएको बताउनु भयो ।</p>
