२० मंसिर २०७९, मंगलवार ११:१४ 
<pre style="text-align: justify; "><b>आर्टिष्ट खबर/ मंसिर, काठमाडौं ।</b></pre><p style="text-align: justify; ">गायक तथा संगीतकार राज सागरसँग गीतकार डब्बु क्षत्रीले नयाँ गीत 'दुर सागर…' को भिडियो दर्शकमाझ ल्याएका छन् । क्षत्रीले यो आफ्नो गीतलाई बुढासुब्बा डिजिटलबाट रिलिज गरेका छन् ।</p><p style="text-align: justify; "><i>‘दुर सागर उर्लियो लहर यो मन प्यासी नै</i></p><p style="text-align: justify; "><i>झमझम झरी बादल बर्षा यो मन प्यासी नै</i></p><p style="text-align: justify; "><i>बिना एक प्याला मधुरस यो मन प्यासी नै’</i></p><p style="text-align: justify; ">झरी सृँखलाको यो अर्को नयाँ गीत भएको गीतकार क्षत्रीले बताएका छन् । डब्बुको यस अघि झरी सृँखला अन्तर्गत गजल सँग्रह झरी नै आएको छ । सो बाहेक उनका अरु पनि झरी सम्बन्धि गीतहरु छन् । आफुले हरेक वर्ष झरी सम्बन्धि गीत ल्याउने गरेको र २०७९ को लागि आफुले झरी सँृखलाको यो नयाँ गीत यतिबेला ल्याएको पनि गीतकार डब्बु क्षत्रीले बताएका छन् ।</p><p style="text-align: justify; ">दुर सागरमा संगीत र स्वर राज सागरको रहेको छ । भ्वाईस अफ नेपाल स्टुडियोमा रेकर्ड गरिएको यो गीतलाई दीप घतानीले रेकर्ड तथा मिक्सिङ गरेका हुन् । जसमा शाहस शाक्यको संगीत संयोजन रहेको छ ।</p><p style="text-align: justify; ">पोखराको विभिन्न रमणिय स्थलमा छायाँकन गरिएको यो गीतको भिडियोमा प्रेममा धोका खाएर मधपानको लतमा लागेकी युवतीले आफ्नो पूर्व प्रेमी र उसको प्रेमिकासँग लिएको बदलाको कथा प्रस्तुत गरिएको छ । नशाले खराब परिणाम दिन्छ भन्ने सन्देश यो गीतको भिडियोले दिएको छ ।</p><p style="text-align: justify; ">गीतको भिडियोमा गायिका तथा मोडल सरिता भारतीसँगै मोडलहरु मिलन दाहाल, सृष्टी कडरिया, आकाश दाहाल र निश्चल बिक्रम पौडेलले अभिनय गरेका छन् । भिडियोमा सरिताले मदिराको लतमा फसेर अपराध गर्दै हिडेको युवतीको भूमिका निर्वाह गरेकी छिन् ।</p><p style="text-align: justify; ">मिलन शँकरको छायाँकन रहेको यो गीतको भिडियोलाई बीरेन्द्र भाट ‘बिपिन’ले सम्पादन तथा रँग संयोजन गरेका हुन् । </p>
