२५ मंसिर २०७९, आईतवार १७:०२ 
<pre style="text-align: justify; "><b>आर्टिष्ट खबर/ मंसिर, काठमाडौँ । </b></pre><p style="text-align: justify; ">नेपाली चलचित्रमा हेलिकप्टर चार्टर गर्नु ठुलै कुरा मानिन्छ । बिशेषतः सानो बजेटमा नेपाली चलचित्रहरु निर्माण हुने हुँदा दिनमै लाखौं रुपैंया खर्च गरेर हेलिकप्टर प्रयोग गरेका कमै चलचित्र छन् । करोड माथि लगानीमा बनेका चलचित्रहरु केहिले हेलिकप्टर प्रयोग गर्ने आँट गरेका हुन्छन् भने अधिकांशले हेलिकप्टर प्रयोग गर्न सकेको देखिदैन । </p><p style="text-align: justify; ">यस्तै आगामी पुस १५ बाट प्रदर्शनमा आउने तयारीमा रहेको चलचित्र ‘डिसेम्बर फल्स’मा पनि हेलिकप्टर प्रयोग गरिएको छ । कोरोना महामारीका कारण लामो समय केही प्रतिशत छायांकन रोकिएको थियो । दशैंअघिबाट फिल्मको बाँकी छायांकन थालियो । योबीचमा दुई गीत र क्लाइमेक्स खिचिए । प्रदर्शन मिति नजिकिँएसँगै निर्माण टिमले फिल्मको अन्तिम दृश्य शनिवार तिब्बतसँग जोडिएको नेपालस्थित लाङटाङ पुगेर खिचेको छ ।</p><p style="text-align: justify; "><img src="http://artistkhabar.com/uploads/posts/9feb2bbc85d8cf2c5f7ed70e0d05bd461670778143.jpeg" style="width: 900px;"><br></p><p style="text-align: justify; ">लाङटाङ राष्ट्रिय निकुञ्ज, लाङटाङ लिरुङ हिमाल, गोसाइँकुण्ड जस्ता पर्यटकीय गन्तव्यले प्रख्यात लाङटाङमा छायांकनका लागि निर्माताले पूरै यूनिटलाई हेलिकप्टर चार्टर गरेर लगेका थिए । एक दिनको छायांकनका लागि हेलिकप्टर चार्टरसहित १० लाखभन्दा बढी खर्च भएको निर्माता रामप्रसाद रिजालले जानकारी दिएका छन् । योसँगै फिल्मको सम्पूर्ण छायांकन सकिएको उनले बताएका छन् । </p><p style="text-align: justify; ">चलचित्रमा प्रविण झाको निर्देशन रहेको छ । चलचित्रलाई छायाँकार महेश आर गुप्ताले खिचेका छन् । चलचित्रमा अभिनेता आर्यन सिग्देल र अभिनेत्री उपासना सिंह ठकुरीको मुख्य भूमिकासँगै सुमन थापा, नरेश भट्टराई, सलोन बस्नेत, शिवहरि पौडेल, नागेन्द्र रिजाल, शिशिर राणाको पनि अभिनय रहेको छ ।</p>
