१० माघ २०७९, मंगलवार १६:०३ 
आर्टिष्ट खबर, माघ, काठमाडौँ ।
पुर्व प्रधानमन्त्री तथा नेकपा एमालेका अध्यक्ष केपी शर्मा ओलीले गत शनिवार सम्पन्न ‘चौँथो एपिक नेपाल म्युजिक अवार्ड २०७९‘ समारोहमा नेवारी समुदायको लोकप्रिय बाजा ढिमे बाजा बजाएका छन् । उनी १ सय ३८ ढिमे बाजा बजाएको समयमा सरिक भएका थिए । ढिमे बजाइसकेपछि उनले ‘पल्लो पोखरीमा माटाका भाँडाहरु बनाउँन सिके ओल्लो पोखरीमा ढिमे बजाउन सिकेँ’ भनेका थिए । गायक दीपक बज्राचार्यले १३८ ढिमे बाजा सहितको आफ्नो प्रस्तुती दिएका थिए । सोहि समयमा वलीले पनि केहि समय ढिमे बजाएका हुन् ।
सूर्यविनायक नगरपालिका र मध्य ठिमि नगरपालिका वडा नं ४ को सहकार्यमा सम्पन्न अर्वाड तथा सम्मान कार्यक्रममा अध्यक्ष ओलीको हातबाट महानायक राजेश हमाललाई १ लाख १ हजार १ सय ११ नगद सहितको सम्मान प्रदान गरेका थिए । कार्यक्रम्मा नेवार समुदायको भेषभुषाले ढकमक्क देखिन्थ्यो यसै बिचमा महानायक राजेश हमालले पनि नेवार समुदायकै भेषभुषा लगाएर स्टेजमा प्रस्तुत हुदै गर्दा कार्यक्रमको माहोल निकै तातिएको देख्न सकिन्छ ।
सयौँको उपस्थित रहेको कार्यक्रम्मा अध्यक्ष केपी शर्मा ओली, ओलीकी श्रीमती राधिका शाक्य, महानायक राजेश हमाल, हमालकी श्रीमती मधु भट्टाई, चलचित्र निर्माता संघका अध्यक्ष नवल खड्का, अभिनेत्री बसुन्धारा भुसाल र गौरी मल्ल लगाएतका थुप्रै विशिष्ट व्यक्तित तथा कलाकारहरुको उपस्थित रहेको थियो ।
अध्यक्ष ओलीले अन्य कलाकारहरुलाई सम्मान गर्नुका साथै यस्तै प्रकारको ऐतिहासीक मौलिकता भएको कार्यक्रम अन्य समुदायले राख्ने सम्भावना कम रहेको बताएका छन् । करिब १ घण्टाको बसाईमा अध्यक्ष ओलीले ‘धिमे’ बाजा समेत बजाएका हुन् ।
