२० माघ २०७९, शुक्रबार ०९:३८ 
माघ, काठमाडौँ । नेपाली दर्शकका महानायक राजेश हमालले आजबाट प्रदर्शनमा आएको नेपाली चलचित्र ‘ह्यारी कि प्यारी’लाई शुभकामना दिएका छन् । डा. कपिल रिजालको निर्देशन तथा लेखनमा तयार भएको यो चलचित्रलाई हमालले सफलताको शुभकामना दिएका हुन् ।
बिहीबार काठमाडौंमा गायक यसकुमारको ‘गल्ली’ गीत सार्वजनिक कार्यक्रममा पुगेका अभिनेता हमालले शुभकामना दिएका हुन् । उक्त कार्यक्रममा निर्देशक डा. रिजालसँगै मुख्य कलाकार जितु नेपालपनि पुगेका थिए । सोहि कार्यक्रममा डा. रिजालको ‘न्यु भेन्चर’ आउँदैछ भन्दै शुभकामना दिए । उनले भने, ‘आजको गेष्ट हुनुहुन्छ कपिल जी, जितु जी उहाँहरुको न्यु भेन्चर आउँदैछ । डा. भोला रिजाल उहाँको बुबा हुनुहुन्छ । डा. भोलाले बनाउनुभएको धेरै चलचित्रमा मैले पनि काम मौका पाएको थिएँ । उहाँले बनाएको ‘साथी’ चलचित्रमा काम गरेको सम्झिन्छु ।’
कार्यक्रममा बोल्दै अभिनेता राजेश हमाल
साथै हमालले जितुलाई हिरो भएको भन्दै रमाइलो ढंगबाट यसो भने, ‘तपाई यो बिन्दुमा आएर हिरो बनिदिनुभयो । अलि पहिले आएको भए मेरो पत्तासाफ हुनेथियो । अलिकति पर्खेर हिरो भइदिनुभयो । त्यसका लागी धन्यवाद ।’
