९ फाल्गुन २०७९, मंगलवार १८:४२ 
फागुन, काठमाडौँ । अनमोल केसीको मुख्य भूमिका रहेको प्रतिक्षित चलचित्र ‘छड्के २’को प्रोमोसनल अडियो एल्बम सार्वजनिक गरिएको छ । फागुन १९ मा प्रदर्शन हुने तयारीमा रहेको यो चलचित्रको ६ हिपहप गीत समावेश एल्बमले चलचित्रको कथा र पात्रहरुको मनोभाव र परिस्थिति बोल्छन । ‘मेधा’ युट्युब च्यानलबाट सार्वजनिक भएका अडियो ट्रयाक पावरफुल लाग्छन ।
एभिलाइभ, रिवटकोबैन, एडविन बिट्सले कम्पोज गरेका गीतमा न्यास्टीले पर्फम गरेका छन् ।
चलचित्रलाई निगम श्रेष्ठको लेखन तथा निर्देशन गरेका हुन् । बुधबार रिलिज हुने सिनेमाको ट्रेलरलाई लिएर दर्शक व्यग्र प्रतिक्षामा छन् । यसअघि सार्वजनिक पोस्टर र टिजरले हाइप निर्माण गरेका छन् । टिजरलाई करिब १९ लाखले हेरिसकेका छन् । अनमोल पहिलो पटक ग्याङस्टर भूमिकामा देखिएका छन् ।
सुनौं ‘छड्के २’का ६ प्रोमोसनल ट्रयाक
‘ग्याङ्स्टा’
एल्बमको पहिलो गीत ‘ग्याङ्स्टा’ इडिएम ९इलेक्ट्रोनिक डान्स म्युजिक० पप संगीतमा तयार पारिएको छ । यो गीतले सिनेमाको टोन सेट गर्दछ । जो सिनेमाको जनरासंग प्रभावित छ ।
एभिलाइभले कम्पोज गरेको हिप(हपमा न्यास्टीले पर्फम गरेका छन् । यो गीत ऊर्जावान लाग्छ ।
‘अख्खा’
सिनेमाको चरित्र र कथाबस्तुबाट प्रभावित ‘अख्खा’मा न्यास्टीले स्वर दिएका छन् । रिवटकोबैनले कम्पोज गरेको गीतमा ब्राह्मीन, ग्रिजल र भिएसएक्स फिचर्ड छन् ।
‘मेनडग’
मुख्य पात्र अनमोल केसीको चरित्र चित्रण गर्ने ‘मेनडग’मा न्यास्टीले पर्फम गरेका छन् । रिवटकोबैनको बिट कम्पोज गरेको हिप(हप दमदार बनेको छ ।
‘सुराखी’
न्यास्टीकै आवाज रहेको गीतमा स्याक र पोंक ए फिचर्ड छन् । यो बिटपनि रिवटकोबैनले कम्पोज गरेका छन् ।
‘मुला’
‘मुला’मा न्यास्टीले गाएको ब्यान्जर ट्रयाक हो । एल्बमको पाँचौं ट्रयाकमा एडविन बिट्सको कम्पोज रहेको छ ।
‘बिरामी’
न्यास्टीको पर्फम र रिवटकोबैनको कम्पोज रहेको गीत अनमोलले निर्वाह गरेको मुख्य पात्र ‘मेनडग’बाट प्रभावित छ । गीतले ग्याङ्स्टाको अँध्यारो पक्षलाई चित्रण गर्ने कोसिस गरेको छ ।
‘ग्याङ्स्टा’बाट सुरु भएको एल्बम ‘बिरामी’सम्म आइपुग्दा यसले थुप्रै इपि प्रोग्रेसेसलाई पच्छ्याउछ । गीतले ग्याङ्स्टा बन्न सजिलो छैन । तर परिस्थितिले ग्याङ्स्टा बनाउने संदेश दिन्छ ।
अनमोलसंगै सिनेमामा रोविन तामाङ, कमलमणि नेपाल, देवकुमार श्रेष्ठ, सृजना सुब्बा, देवु श्रेष्ठलगायतका कलाकारहरुको अभिनय छ ।
यस्तै रेशा आले मगर, इयान स्कट क्लेमेन्ट, सन्तोष मिजार, अफरान अलि, निगम श्रेष्ठ, चिरन्जिबी अधिकारी र कुमार घलानले यो सिनेमाबाट अभिनयमा डेब्यु गरेका छन् ।
मस्को सिंह र राजेन्द्र सापकोटाको छायांकन रहेको सिनेमामा राजकुमार उप्रेतीको एक्सन र रवि चौधरीरलोकेश बज्राचार्यको सम्पादन छ ।
निर्भाना फिल्म स्कुल, काभ्रे फिल्म्स र मेधा प्रोडक्सनको व्यानरमा निर्मित सिनेमामा प्रशान्त गिरी र देवकुमार श्रेष्ठ निर्माता रहेका छन् । भने कार्यकारी निर्माणमा निर्भाना फिल्म स्कुल र लक्ष्मण काफ्ले छन् ।
