२२ फाल्गुन २०७९, सोमबार १०:०३ 
फागुन, काठमाडौँ । आज रङहरुको पर्व होलीको दिन । बिशेषगरी आज पहाडी जिल्लाहरुमा होली मनाइदैछ । भोली तराईमा होली मनाइन्छ । आज काठमाडौं उपत्यका लगायतका पहाडी जिल्लामा शान्तिपुर्णतरिकाले होली मनाइदैछ ।
यसैबिच प्रदर्शन भइरहेको चलचित्र ‘छक्का पन्जा ४’को टिमले काठमाडौंको नयाँ बानेश्वरमा होली बिशेष कार्यक्रमको आयोजना गरेको छ । बिशेषगरी दर्शकसँग प्रत्यक्ष होली खेल्ने उद्देश्यले निर्माण तथा कलाकारको टिमले होली बिशेष कार्यक्रमको आयोजना गरेको हो । बिहान ११ बजेदेखी कलाकारको टिमले केहि घण्टा होली खेल्नेछन् । कार्यक्रम संसद भवनको दक्ष्णि पट्टीको सडकमा आयोजना गरिएको छ ।
साथै आज काठमाडौंका अन्य बिभिन्न ठाउँमा पनि अन्य कलाकारले होली मनाउँदैछन् । आजै बिहान ११ बजे मण्डला थिएटरको आयोजनामा अभिनेता दयाहाङ राई लगायतले होली मनाउँदैछन् । यस्तै जयनेपाल हल प्रांगणमा अभिनेता राजेश हमाल लगायतका कलाकारले ११ बजे पछि होली मनाउँदैछन् ।
