११ चैत्र २०७९, शनिबार ११:५६ 
चैत, काठमाडौँ । गायक तथा सर्जक नरेश खातीले नयाँ गीत सार्वजनिक गरेका छन् । ‘तिम्रै हुन पाम’ बोलको गीतमा नरेशसँगै ममता गुरुङको स्वर रहेको छ । पछिल्लो समय गायनमा पनि सक्रिए नरेशले एकपछि अर्को राम्रा गीत दिइरहेका छन् । नेपालमा कोरोना भाइरसको समयमा माया मारेर बोलको गीत सार्वजनिक गरेसँगै गायनमा पनि सफलता पाइरहेका छन् ।
गीतमा नरेशकै शब्द तथा संगीत रहेको छ । संगीत संयोजनको काम बिशाल निरौलाले गरेका छन् ।
भिडिओमा अभिनेता सुशान्त कार्की र अभिनेत्री प्रियना आचार्यको अभिनय देख्न सकिन्छ । अभिनेता सुशान्त चारबर्ष पछि अस्ट्रेलियाबाट फर्केपछि भिडिओमा अभिनय गरेका हुन् । प्रियना हास्य टेलिश्रृंखला सक्किगोनीमा मुन्नीको उपनामले चर्चित छिन् ।
गायक खातीले माया गर्ने जोडीहरुका लागी यो गीत बिशेष हुने बताए । आर्टिष्ट खबरसँगको कुराकानीमा खाती भन्छन्, ‘सबैले यो गीत सुन्दा आनन्दा आउँछ । तर अझ बिशेष प्रेमगर्ने जोडीका लागी हुन सक्छ ।’ भिडिओ मेक्सम नरेश अफिसियल युट्युव च्यानलमा शुक्रबार सार्वजनिक गरिएको हो ।
