७ फाल्गुन २०७२, शुक्रबार २०:३० 
फागुन, काठमाडौं । महिलाको भुमिकामा अभिनय गरेका महानायक राजेश हमालको फिल्म ‘सकुन्तला’को फस्ट लुक सार्वजनिक गरीएको छ । ‘सकुन्तला’को छायांकन देखि चर्चामा रहेका हमालको महिलाको भेषमा भएको पोष्टर सार्वजनिक भएको हो । फिल्मको पोष्टरमा ‘सकुन्तला’ बनेका महानायकको एक्सन अवतारलाई देखाईएको छ ।
दिनेश श्रेष्ठको लेखन तथा निर्देशिनमा बनेको सकुन्तलामा महानायक राजेशको साथमा अनुशाहको मुख्य भुमिका छ । साथेमा किशोर खतिवडा, विन्द्र बस्नेत, सुवर्ण स्मृति श्रेष्ठ, रवि गिरी, प्रदिप कुमार उदय, प्रदिप ढकाल, शिवन श्रेष्ठको लगायतको अभिनय देख्न सकिनेछ ।
सकुन्तला फिल्ममा सकुन्तलाको भुमिकामा को छ भन्ने सस्पेन्स राखिएको बेलामा महानायक हमालको महिलाको भेष भएको तस्बिर बाहिरीँदा आप मानिसले हमालनै सकुन्तलाको भुमिकामा छन् कि भन्ने अनुमान गरेका छन् । साथै नायिका अनु शाह भने फिल्ममा रिपोर्टरको भुमिकामा रहेको खुलाइसकेकी छिन् ।
सस्पेन्स कथाबस्तु भएको यो सिनेमामा अर्जुन पोख्रेलको संगीत, अष्ट महर्जनको एक्सन, माइकल चन्दको नृत्य निर्देशन रहेको छ । फिल्म आउँदो ्जेठ १४ गतेदेखि प्रर्दशनमा आउनेछ ।
