१७ जेष्ठ २०८०, बुधबार २०:४८ 
जेठ, काठमाडौ। मेरिबास्सै टेलिसिरियलमा बिगत १० बर्षदेखी काम गर्दै आएका कलाकार लेखान्त भुसाल घिरौलेले काठमाडौंमा कलाकार भएर खान लाउनै गाह्रो हुने बताएका छन् । १० बर्ष काम गर्दापनि जिवन यापन उस्तै भएको भन्दै मेरिबास्सै छाडेका छन् । उनले अहिले भाविको लेखान्त नाममा नयाँ सिरियल आफैले निर्माण गरेका छन् ।
अन्य सिरियलमा सानो भूमिकामा कलाकार भएर काम गर्दा मासिक रुपमा निकै थोरै कमाइ हुने भएकाले काठमाडौंको जिवन यापन जीउन कठिनाई भएको उनले बताएका हुन् । त्यसैले उनले आफैले सिरियल निर्माणमा लागेको बताएका छन् । उनी मेरिबास्सैमा घिरौले भूमिकामा अभिनय गर्दै आएका थिए । सुरुवातका दिनमा साधारण काम गर्दै अभिनयमा छिरेका लेखान्तले पछिल्लो समय मेरिबास्सैमा ब्यवस्थापक भएर पनि काम गर्दै आएका थिए ।
आफूले बाहिर एक दुई सिरियलमा पनि काम गर्छु मेरिबास्सै छाड्दिन भन्दा बाहिर काम गर्नै नदिइएकाले मेरिबास्सै छाड्नुपरेको बताएका छन् । साथै उनले मेरिबास्सैबाट आउने पारिश्रमिकले काठमाडौंमा जीवनयापन गर्नै गाह्रो हुने बताए ।
बाँकी भिडियो रिपोर्टमा हेर्न सकिनेछ ।
Soon…
