२० भाद्र २०८०, बुधबार ०७:३३ 
भदौ, काठमाडौँ । आगामी भदौ २९ गतेबाट रिलिज हुने चलचित्र ‘नाङ्गो गाउँ’को नयाँ गीत ‘सुन सुन सुन्दरी’ सार्वजनिक गरिएको छ । गीतमा अन्जु पन्त र एस डी योगीको स्वर, सुष्मा सिग्देलको शब्द र सुशान्त गौतमको संगीत छ ।
गीतको भिडिओमा नायक दयाहाङ राई र नायिका मिरुना मगर फिचर्ड छन् । यसअघि चलचित्रमा समावेश एक गीत सार्वजनिक भैसकेको छ । चलचित्रको टिजर र ट्रेलरले दर्शकमाझ निकै रुचाइएको छ । यो गीत चित्लाङमा छायांकन गरिएको हो । रामजी लामिछानेले कोरियोग्राफी गरेको भिडिओमा आलोक शुक्लाको छायांकन छ । यो फिल्मको लेखन तथा निर्देशन दीपेन्द्र लामाले गरेका हुन् ।
हिमाल शर्माको प्रस्तुतिमा तयार भएको यो चलचित्रमा जय श्रेष्ठको लगानी छ । फिल्मका कार्यकारी निर्माता रामहरि श्रेष्ठ हुन् । यो चलचित्रमा बनिष शाहको सम्पादन छ ।
यो चलचित्रमा दयाहाङ राई, शिशिर वाङ्देल, कर्मा, साम्राज्ञी राज्यलक्ष्मी शाह, मिरुना मगर, बुद्दि तामाङ, रविन्द्र झा, विशाल पहारी, राज थापा, कमलमणि नेपाल, अंकित खड्का, पुष्कर गुरुङ लगायतका कलाकारको अभिनय छ ।
