१७ आश्विन २०८०, बुधबार १२:२९ 
असोज, काठमाडौँ । माघको २६ गतेबाट रिलिजमा आउन लागेको चलचित्र ‘हात्तीछाप’का मुख्य कलाकारहरुको लुक्स सहित निर्माणपक्षले नयाँ पोष्टर सार्वजनिक गरेको छ । सार्वजनिक पोष्टरमा चलचित्रका मुख्य कलाकारहरु दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्दि तामाङ, विल्सन विक्रम राई, बिजय बराल समावेश छन् ।
सार्वजनिक पोष्टर हेर्दा दया र उपासना एक अर्काको जोडी भएको देखिन्छ । सौगातको अवतारले भने दर्शकलाई उत्साहित बनाउने निश्चित छ । किरण नेपालीको प्रस्तुतिमा तयार भएको चलचित्रलाई सिमोस सुनुवारले निर्देशन गरेका हुन् । चलचित्रमा प्रदीप भारद्धाजको लेखन, सुशन प्रजापतिको छायांकन, निमेष श्रेष्ठको सम्पादन, रामजी लामिछानेको कोरियोग्राफी छ । पुष्कर गुरुङ र अमलादेवी राइको लगानी रहेको चलचित्रका कार्यकारी निर्माता सरोज नेपाली हुन् ।
यो चलचित्रमा कमलमणी नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपाने, कबिता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेनु भुजेलको पनि मुख्य भूमिका छ ।
चलचित्रको निर्माणपक्षले तेश्रो पोष्टर सार्वजनिक गर्दै गर्दा चलचित्रलाई लिएर फिल्म क्षेत्रमा र दर्शकमा पनि चासो र चर्चा बढेको छ । ‘२ नम्बरी’का मुख्य कलाकारहरु दया, सौगात र उपासना एकसाथ देखिदा चलचित्रलाई लिएर दर्शकमा झनै बढी आशा बढेको छ ।
