२६ फाल्गुन २०७२, बुधबार ०४:४२ 
फागुन, काठमाडौं । बैदेशीक रोजगारी सँग सम्बन्धित कथामा बनेको फिल्म राहदानीको ‘अफिसियल ट्रेलर’ सार्वजनिक गरिएको छ । एक मिनट ३० सेकेण्डको ट्रेलर युट्युव मार्फत सार्वजनिक गरीएको हो ।
आगामी १२ चैतबाट देशब्यापी प्रदर्शनीमा आउँदैछ । फिल्ममा अभिनेता दयाहाङ राई र उनका भाईको चरित्र निर्वाह गरेका अशोक रिजालले मलेशियामा आफ्न्त आपतमा पर्दा भोग्नु परेका कठिनाई र तनावलाई ट्रेलरमा महत्व दिईएको छ ।
Trailer
साथै राहदानीको ‘कल्चरल’ गीत मारुनीको भिडियो पनि सार्वजनिक गरिएको छ । बसन्त सापकोटाको सँगीत, र निशा देशारको स्वरको यो गीत डा. गोबिन्द कुसुमले लेखेका हुन् । यो गीतमा अभिनेत्रीहरु रुपा खनाल, सृजना सुब्बा, बिनिता घिमिरे, आयुष्मा श्रेष्ठ, अस्मिता बस्नेताले नृत्यमा प्रतिस्पर्धा गरेका छन् ।
Title Songफिल्ममा दयाहाङ राई अशोक रिजालसँगै नविन लम्साल, मोनिका दाहाल, विकाश जोशी, तेन्जिङ शेर्पा, विधा कार्की, लक्ष्मण बिक्रम बस्नेत, दिनेश दुलाल लगायतका कलाकार पनि छन् । सञ्चारकर्मी डब्बु क्षत्रीद्धारा लिखित निर्देशित यो चलचित्रको निर्माण लक्ष्मीप्रसाद ढकालसँगै रियाना पात्रबँश, रम्भा पाण्डे, कृष्ण चन्द्र झा, अभिषेकमान सिंहले गरेका हुन् । रामशरण उप्रेतीले खिचेको यो फिल्ममा अभिनेत्री रिमा विश्वकर्मा एउटा आईटम गीतमा छिन् ।
