१ चैत्र २०७२, सोमबार ०६:३७ 
चैत, काठमाडौं । यस भन्दा अघिका तिनवटा सिक्वेल हिट भएपछि चौथो पटक बनाईएको ‘नाई न भन्नु ल ४’ को ट्रेलर पनि सार्वजनिक गरीएको छ । यस भन्दा अघि सार्वजनिक गरीएको यस फिल्मको गीत लाई दर्शकले राम्रै रुचाएका थिए ।
फिल्मको सार्वजनिक ट्रेलरमा चलचित्रका डेब्यू नायक पल र बर्षा राउतको प्रेमलाई हाईलाइट गरीएको छ । फिल्ममा पल र बर्षाकोे साथमा प्रियंका कार्की, अनुभव रेग्मी, आँचल शर्मा, सरोज खनाल लगायतको अभिनय देख्न सकिन्छ ।
निर्देशक बिकास आचार्यले बनाएको यस फिल्ममा दर्शक रुन सक्ने कथा भएको बुझ्न सकिन्छ । हुन त यो भन्दा अघि पनि विकासले दर्शक रुवाउने कथा लेख्दै आएका थिए । अहिले पनि विकासले दर्शक रुने कथा रहेको बताउँदै आएका छन् । फिल्म चैत्र २६ गतेबाट प्रदर्शनमा आउँदैछ ।
