२० फाल्गुन २०८०, आईतवार १२:३५ 
फागुन, काठमाडौँ । नयाँ चलचित्र इश्वरको छायांकन सकिएको छ । २७ दिनको तालिकामा सम्पुर्ण छायांकन पोखराको हेम्जाकोटमा गरिएको चलचित्रका निर्देशक राजु गिरीले जानकारी दिएका छन् । लक्ष्मी कुँवर थापाको प्रस्तुतिमा निर्माण भएको चलचित्रमा ध्रुब थापा, अनु शाह, पृथ्वी राज प्रसाईं, कृष्टि गुरुङ, सुनिल थापा, सबिन बास्तोला, माओत्से गुरुङ, ,रबिन्द्र झा, बुद्धि लामा, शिशिर बाङ्देल, सबिन बास्तोला र गीता अधिकारीको लगायतको मुख्य भूमिका रहेको छ ।
दिव्या कंगना फिल्मस्को ब्यानरमा निर्माण भएको चलचित्रको पटकथा एवम् संवाद भोजराज देवकोटाले तयार पारेका हुन् । हरिबहादुर थापा र शंकर गिरी निर्माता रेहेको चलचत्रिमा अर्जुन पोखरेल राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहेको छ ।
