१४ असार २०८१, बिहीबार १०:३७ 
असार, काठमाडौँ । नयाँ चलचित्र ‘ईश्वर’मा समावेश गीत ‘डुब्दै डुब्दै थिएँ म’ सार्वजनिक गरिएको छ । कृष्ण काफ्ले र गीता पाण्डेको स्वर रहेको गीतमा भीष्मराज फूलाराको शब्द र अर्जुन पोखरेलको संगीत छ । यो चलचित्र आगामी साउन ११ गतेबाट रिलिज हुने तयारीमा छ ।
ओएसआर डिजिटलबाट सार्वजनिक गीतमा चलचित्रका कलाकारद्वय पृथ्वीराज प्रसाईं र अनु शाह फिचर्ड छन् । पोखरा आसपास छायांकन गरिएको गीतमा पृथ्वी र अनुलाई रोमान्टिक भावमा देखाइएको छ । गीतमा फिल्मका केही दृश्यहरुलाई पनि स्थान दिइएको छ ।
राजु गिरी निर्देशित चलचित्रमा ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा, कृष्टि गुरुङ, पृथ्वीराज प्रसाईं, शिशिर वाङ्देल, गीता अधिकारी, कृष्टि गुरुङलगायतका कलाकारको अभिनय छ । पछिल्लो पटक फिल्म ‘पसिना’मा देखिएकी नायिका अनु शाह ५ वर्ष पछि ‘ईश्वर’मार्फत अभिनयमा कमव्याक गरेकी छन् ।
दिव्या कंगना फिल्मसको ब्यानरमा निर्माण भएको चलचित्रमा हरिबहादुर थापाको निर्माण छ । चलचित्रमा भोजराज देवकोटाको पटकथा तथा संवाद छ । चलचित्रमा लक्ष्मी कुँवर थापा प्रस्तुतकर्ता छिन् ।
चलचित्रमा अर्जुन पोखरेल, संगीत, कविराज गहतराज, कोरियोग्राफी रहेको छ । चलचित्रमारामेश्वर हुँमागाईको छायांकन र देव महर्जनको द्वन्द्व निर्देशन रहेको छ । चलचित्रको वितरणको आरआर फिल्मसले गर्दैछ ।
