३१ असार २०८१, आईतवार १६:१३ 
असार,काठमाडौं । इनर ह्विल क्लब अफ कीर्तिपुरका अध्यक्षमा पोषण विद् मिरा शाह नियुक्त भएकी छन् ।
शनिबार राष्ट्रिय बागवानी केन्द्र कीर्तिपुरमा इनर ह्विल क्लब अफ कीर्तिपुरले एक भव्य कार्यक्रमको आयोजना गरी मिरा शाहलाई नियुक्त गरेको छ भने सफल कार्यकाल बनाएकी कुमुद भट्टलाई अध्यक्ष पथबाट बिदाई गरको छ ।
इनर ह्विल क्लब महिलाहरु संगठित भएर स्वयं सेवी हिसाबले सेवा गर्ने एक संस्था हो । यसले विपन्न बालबालिका ,महिला ,तथा जेष्ठ नागरिकहरुका लागि बिभिन्न कार्यक्रमा गरि सेवा गर्दै आइरहेको छ ।
यस अघिकी कार्यकारी पदमा कुमुद भट्ट थिईन् । भट्टले एक बर्षको आफ्नो कार्यकालमा आफुले काम गर्नुका साथै धेरै कुरा आफुले सिक्न पाएको बताईन् । साथै आफु भूतपूर्व अध्यक्षको भूमिकामा परिआएका कामको जिम्मेवारी उठाउन सधै तयार रहेको बताइन् ।
नव नियुक्त अध्यक्ष मिरा शाहले आफुले सधै सामाजिक कार्य गर्न एकदमै मन भएको हुदाँ यो अवसरलाई लगनका साथ काम गर्ने बताईन् ।
