माग्नेबुढा र तक्मेबुढाको ‘खासखुस’ आजदेखी नेपाल टेलिभिजनमा हेर्न पाइने

२ बैशाख २०७३, बिहीबार ०४:०२

बैशाख, काठमाडौं । आज (बिहिबार) देखी नेपाल टेलिभिजनबाट हाँस्य टेलिश्रृंखला ‘खासखुस’ प्रसारणमा आउने भएको छ । चर्चित कलाकार केदार घिमिरे (माग्ने बुढा) र विल्सन बिक्रम राई (तक्मे बुढा)को मुख्य अभिनय रहने यस टेलिफिल्म आज राती ८ः५० देखी नेपाल टेलिभिजनबाट प्रसारण हुने कलाकार केदार घिमिरेले बताएका छन् ।
यसभन्दा अघि ‘मेरीबास्सै’मा देखिएर चर्चा कमाएका यि दुई पात्र (माग्ने बुढा र तक्मे बुढा) ले अब खासखुस बाट चर्चा कमाउने देखिएको छ । टेलिभिजनका पर्दामा लामो समय नदेखिएका यि कलाकारहरु भने युट्युवमा खासखुस बाटै आइरहेका थिए । युट्युवमा भाग ५ सम्म खासखुस हेर्न सकिन्छ । आमा अग्नी मिडिया प्रा.ली द्धारा निर्माण र मिडिया हवको प्रस्तुतीमा नेपाल टेलिभिजनमा आजदेखी प्रसारण हुने खासखुसलाई ‘आमाअग्नीडटकम’ को युट्युव च्यानल बाट पनि हेर्न सकिने छ।
खासखुस हाँस्य टेलिश्रृंखलामा कलाकारहरु केदार घिमिरे, र विल्शन बिक्रम राईको साथमा सुरज चापागाई, सन्देश लामिछाने, यमन स्रेष्ठ, सुनिता गौतम, निरु खड्का, अरुणा कार्की, सुशीला निरौला, मनराज स्रेष्ठ, राजु पौडेल, मरिचमान स्रेष्ठ, यादब थापा, नेत्र राउत,गुणाखर अधिकारी, सुदिप खतिवडा, अजय रेग्मी आदी लगायतको अभिनय रहेको छ ।