१० जेष्ठ २०७३, सोमबार २१:५९ 
जेठ, काठमाडौं । फिल्म ‘म त तिम्रै हुँ’ को शिर्ष गीत सार्वजनिक गरीएको छ । आउँदो ७ गतेबाट प्रदर्शनमा आउँने फिल्मको सो गीतमा हर्कुलस बस्नेतको शब्द तथा संगीत रहेको छ भने बस्नेत र निकिता थापाले स्वर दिएका छन् ।
सुस्मिता वम्जनको निर्माणमा बनेको यस फिल्म पाल्पाको दरबार, चितवन, मकवानपुरको रमणिय स्थलमा खिचिएको छ । सार्वजनिक भिडियोमा नायक आकाश श्रेष्ठ र नायिका ज्योत्सना योगीलाई फिचरिङ छन् । गीतका कोरियोग्राफर कविराज गहतराज हुन् । श्रीराम महतले निर्देशन गरेका हुन् ।
–
फिल्ममा आकाश र ज्योत्सनासँगै सुस्मिता केसी, सुशिल काफ्ले, जीवन भट्टराई, अनुपम श्रेष्ठ, सुसन खड्का लगायतको मुख्य अभिनय रहेको छ । सौरभ लामाको छायांकन रहेको फिल्ममा हिमाल केसीको द्वन्द्व निर्देशन छ ।
