११ जेष्ठ २०७३, मंगलवार ०४:१५ 
जेठ, काठमाडौं । फिल्म ‘रिलेशन’ यहि आउँदो असार १० गतेबाट प्रर्दशनमा आउने भएको छ । समाजमा भएका नकारात्मक बस्तुलाई हटाउनका लागि तेक्वान्दो खेलले कति सम्म सहयोग गर्न सक्छ भन्ने बिषयबस्तुलाई उठाइएको रिलेशन फिल्मलाई दिपेन्द्र दाहालले निर्देशन गरेका हुन् ।
फिल्ममा तेक्वान्दोका फस्ट सेभेन डन दिवाकर डन महर्जन र अमेरिकी व्ल्याक बेष्ट कृटिना नुनास तथा उपेन्द्र तिमल्सिना,महिमा सिलवाल ,लक्ष्मण बिक्रम बस्नेत ,शुशिल पोख्रेल लगायत तेक्वान्दोका अन्र्तराष्ट्रिय खेलाडीहरुको पनि अभिनय रहेको छ । चलचित्रमा अमेरिकी तेक्वान्दो तथा नेपाली तेक्वान्दोको सम्बन्धलाई पनि देखाईएको निर्देशक दिपेन्द्र दाहालले बताएका छन् ।
–
हलिउड र कलिउड कलाकारको मिश्रीत अभिनय देख्न सकिने यो चलचित्र जेठ ३० हलिउड थिएटरमा पनि रिलिज हुदैछ । हलिउड थियटरमा चलचित्र रिलिज भएको यो सायदै पहिलो चलचित्र मानिएको छ । वनड्ररस मुभिजको व्यानरमा निर्माण भएको रिलेशनमा दिवाकर महर्जनको लगानी रहेको छ ।
–
यो चलचित्रको नेपाल पत्रकार महासंघ राजधानि प्रष्ठिानको आयोजनामा जेठ १३ गते विश्वज्योति सिनेमा हलमा बिहान आठ वजे च्यारिटी हुदैछ । सो च्यारीटीबाट उठेको रकम मध्येबाट पत्रकार कल्याण कोषका लागि सहयोग गरिने निर्माण पक्षले जानकारी गराएको छ ।
